மதுரை பரோட்டா சால்னா (மட்டன்)

ஒரு வாணலியில் எண்ணெய் ஊற்றி காய்ந்ததும் சோம்பு,கசகசா,சின்னவெங்காயம், தக்காளி பொட்டுக்கடலை,நிலக்கடலை,வரமிளகாய்,தேங்காய் ஆகியவற்றை ஒன்று பின் ஒன்றாக சேர்த்து வறுத்து அதனை மிக்ஸியில் அரைத்து வைத்து கொள்ளவும்.

குக்கரில் எண்ணெய் ஊற்றி காய்ந்தவுடன் பட்டை, கிராம்பு,ஜாதிபத்திரி,பெரிய வெங்காயம்,கல்பாசி,இஞ்சி பூண்டு விழுது போட்டு வதக்கவும்.

பின்னர் அதில் கழுவிய மட்டன்,கருவேப்பில்லை சேர்த்து வதக்கவும்.

தேவையான அளவு உப்பு,மிளகாய் தூள், கரம் மசாலா தூள் சேர்த்து அதனை 4 விசில் விட்டு இறக்கவும்.

பின்னர் அந்த மட்டன் வேகவைத்த குக்கரில்,அரைத்து வைத்திருக்கும் விழுதை சேர்த்து திரும்ப 2 விசில் விட்டு இறக்கவும்.

கொத்தமல்லி இலை சேர்த்து பரிமாறவும்.