முதலில் தேவையான பொருட்கள் அனைத்தையும் தயாராக எடுத்து வைக்கவும். ஒரு குக்கரில் 2 டீஸ்பூன் எண்ணெய் விட்டு காய்ந்ததும் அதில் சுத்தம் செய்த மட்டன் மற்றும் 1 டீஸ்பூன் இஞ்சி பூண்டு விழுது சேர்த்து நன்றாக வதக்கவும். தேவையான அளவு தண்ணீர் சேர்த்து 7-8விசில் விட்டு இறக்கவும். ஒரு கடாயில் கொத்தமல்லி சீரகம் மிளகு சோம்பு பட்டை வகைகள் கசகசா சேர்த்து வறுத்து தனியே எடுத்து வைக்கவும்.

ஒரு கடாயில் 2 டீஸ்பூன் எண்ணெய் விட்டு காய்ந்ததும் அதில் சின்ன வெங்காயம் பூண்டு இஞ்சி தக்காளி வரமிளகாய் ஆகியவற்றை ஒன்றன் பின் ஒன்றாக சேர்த்து நன்றாக வதக்கவும். வறுத்து வைத்துள்ள பொருட்கள் மற்றும் வதக்கிய வெங்காயம் ஆகியவற்றை நன்றாக மை போல் அரைத்து வைத்துக் கொள்ளவும். கிரேவி செய்ய ஒரு கடாயில் 2 டீஸ்பூன் எண்ணெய் விட்டு காய்ந்ததும் அதில் கடுகு சேர்த்து பொரிந்ததும் அதில் பொடியாக நறுக்கிய சின்ன வெங்காயம் 7-8 சேர்த்து நன்கு வதக்கவும்.

அரைத்த விழுதை சேர்த்து நன்றாக வதக்கவும். பின்னர் வேகவைத்த மட்டனை அதில் உள்ள தண்ணீர் உடனே சேர்த்து நன்றாக வதக்கவும். சிறிது கறிவேப்பிலை சேர்த்து தேவையான அளவு உப்பு சேர்த்து நன்றாக கிரேவி பதம் வரும் வரை நன்கு வேக விடவும். இறுதியில் சிறிது கொத்தமல்லி இலை, பெப்பர் தூள் தூவி இறக்கவும். இப்போது சூடான சுவையான அரைத்த மசாலாவில் செய்த பெப்பர் மட்டன் கிரேவி ரெடி. நன்றி. ஹேமலதா கதிர்வேல்.