बेसन पीठ चाळून एका वाटी मध्ये घेऊन त्यात हळद, हिंग, आले मिरची वाटून घेतलेली पेस्ट घालून घ्यावी...व मिश्रण एकजीव करावे..

पीठाच्या मिश्रणात पाणी, मीठ व सायट्रिक ऍसिड मिक्स केलेले पाणी थोडे थोडे घालून चांगले मिक्स करावे..व दहा मिनिटे झाकून ठेवावे

ढोकळ्याचे मिश्रणात एक टीस्पून बेकिंग सोडा घालून चांगले पाच मिनिटे फेटावे..मिश्रणाचा कलर बदलतो आणि मिश्रण खुप हलके होते... जाळीदार होते

मोठ्या पातेल्यात किंवा कढईत पाणी घालून गरम होण्यासाठी ठेवावे. मिश्रण ट्रे मध्ये घालून टॅप करु नये हलक्या हाताने उचलून पाण्याला उकळी आलेल्या भांड्यात जाळी ठेवून त्यावर ठेवावे व झाकण ठेवून पंधरा ते वीस मिनिटे शिजू द्यावे..

वीस मिनिटांनंतर टुथपीक किंवा सुरी ढोकळ्यामध्ये टाकून शिजला का ते बघावे..सुरीला चिकटला नाही तर ढोकळा शिजला असे समजावे..

पॅनमध्ये एक टेबलस्पून तेल घालून गरम झाले की त्यात मोहरी, हिंग, उभ्या कापलेल्या हिरव्या मिरच्या, कोथिंबीर घालून कडकडीत फोडणी झाली की त्यात अर्धा कप पाणी घालावे व एक टेबलस्पून साखर घालून उकळी आणावी.. गॅस बंद करावा

तडका पाणी थोडे कोमट होईपर्यंत ढोकळा हवा त्या आकारात कापून घ्यावा..

तडका पाणी कोमट हवे आणि आपला ढोकळा ही साधारण गरम हवा... तेव्हा हे पाणी सगळ्या ढोकळ्यावर चमच्याने घालून घ्यावे..व दहा मिनिटे तसाच राहु द्यावे..

ढोकळा हिरवी चटणी किंवा चिंच गुळाची चटणी सोबत सर्व्ह करावा...