સૌપ્રથમ સોજી ને એક બાઉલમાં લઈને તેમાં દહીં તેમજ ૧ વાટકી પાણી ઉમેરી અને ઢોકળાનો બેટર તૈયાર કરો તેમાં આદુ-મરચાની પેસ્ટ તથા મીઠું ઉમેરો

હવે આબેટર ને એક કલાક સુધી ઢાંકીને એક જગ્યાએ રાખી દો

હવે આ બેટર માંથી ત્રણ સરખા ભાગ કરી અને ત્રણ બાઉલમાં ઉમેરો

હવે એક બાઉલમાં બટર માં ટામેટા ની પેસ્ટ અને બેટર મિક્સ કરી તેમાં અડધી ચમચી હળદર અને અડધી ચમચી સાજીના ફૂલ ઉમેરી એકદમ જોરથી હલાવી એક થાળીમાં તેલ લગાવી તેને આપણે જેમ ઢોકળા બનાવી છે તે રીતે થાળીમાં પાથરો

આ થાળીને એક મોટી પેનમાં પાણી ઉમેરીને ઉપર થાળી ઢાંકીને રાખો

હવે પાંચ મિનિટ પછી બીજા વાડકામાં જે સફેદ બેટર છે તેમાં મીઠું તેમજ સાજીના ફૂલ ઉમેરીને અને બેટર તૈયાર કરો તેને થાળીમાં ઉમેરેલા ઓરેન્જ બટરની ઉપર ઉમેરો

ફરીથી ઢાંકીને પાંચ મિનિટ સુધી રહેવા દો ત્યાર બાદ ત્રીજા બાઉલ વાળા બેટર માં પાલકની પેસ્ટ મીઠું તેમજ સાજીના ફૂલ ઉમેરી હળવે હાથે હલાવી અને ફરીથી થાળી વાળા બેટર માં ઉમેરો

હવે મધ્યમ તાપે 20 મીનીટ સુધી ઢોકળા તૈયાર થવા દો ત્યારબાદ ઢાંકણ ખોલીને ઢોકળા ની થાળીને ઠંડી પડે ત્યારે ચોરસ ટુકડા કરી લો

ત્યારબાદ વઘારીયા માં તેલ ઉમેરી તેમાં રાઈ જીરુ લીમડો તલ તેમજ લીલા મરચા ઉમેરી અને વઘાર થાય ત્યારે તેને ઢોકળા ઉપર છાંટી દો