દૂધને એક ઉભરો આવે ત્યાં સુધી ઉકાળો. સ્ટવ ઓફ કરી લીંબુનો રસ નાંખી ધીમેધીમે હલાવો. પનીર અલગ થઇ જશે. પનીરને પાણીથી ધોઇ ગળણીમાં કપડું રાખી ગાળી લો. વધારાનું પાણી દબાવીને કાઢી લો. હવે તેમાં એક ચમચી મેંદો નાંખી ૧૦ મિનિટ માટે મસળી બોલ્સ બનાવી ચોરસ ચાપનો આકાર આપો.

ખાંડમાં ૩ કંપ પાણી ઉમેરી ઉકાળીને બબલ્સ થાય પછી ચાપને પાણીમાં નાખો. કાણાવાળા ઢાંકણથી ઢાંકીને બબલ્સ થવા દેવાના છે. ૧૫ મિનિટ માટે આમ કરી ચાપને બાફી લો. સ્ટવ ઓફ કરી ૧ કલાક માટે રાખી ઠંડી થવા દો. પછી ૩૦-૪૦ મિનિટ ફ્રીઝમાં રાખો. વધારાનું પાણી નીતારી વચ્ચેથી બે ભાગમાં કાપો.

સ્ટફીંગ માટે મિલ્ક પાઉડર, મલાઇ, ૨-૩ ચમચી ખાંડની ચાસણી અને ગુલાબી ફુડ કલર નાંખી હલાવો. મિશ્રણને થોડું ઘટ્ટ કરવા ૧૦ મિનિટ ફ્રીજમાં રાખો. પછી એક તાપ લઇ ચમચીથી સ્પ્રેડ કરી બીજા ભાગથી કવર કરો.

પિસ્તાની કતરણ નાંખી ગાર્નીશ કરો. ફ્રીઝમાં સેટ થવા રાખો.