સૌપ્રથમ મેથીની ભાજી ધોઈ કોરી કરી લેવી ત્યારબાદ તેમાંથી પાન લઇ અને ઝીણા સમારી લેવા અને લસણ ના કટકા કરી લેવા તેમજ ટમેટાને પણ ઝીણું સમારી તૈયાર રાખવું

ત્યારબાદ એક બાઉલમાં ચણાનો લોટ લઇ તેમાં મરચું પાઉડર હળદર ધાણાજીરું પાઉડર ચપટી ખાંડ અને લીંબુનો રસ નાખી તેમાં એક ચમચી ગોળ માટે તેલ ઉમેરવું ત્યારબાદ તેમાં સમારેલી ભાજી ના થોડા પત્તા નાંખવા અને હાથથી મસળી લેવું થોડું પાણી એડ કરી મિક્સ કરી લેવું

હવે એક કડાઈમાં વઘાર માટે તેલ લઈ ગરમ કરવા મૂકવું તેલ આવી ગયા બાદ તેમાં લસણ ના કટકા ઉમેરવા લસણ ના કટકા બદામી રંગના થવા દેવા

ત્યારબાદ તેમાં સમારેલી ભાજી પાણીમાં ધોઇને ઉમેરી દેવી ત્યારબાદ તેમાં ઉપરથી બધા જ મસાલા મરચું પાઉડર તેમજ હળદર અને નમક ઉમેરી મિક્સ કરી હલાવી લેવું

આ ભાજીમાં થોડું પાણી ઉમેરી ચડવા દેવું ત્યારબાદ તેમાં ચણાના લોટમાંથી લૂઓ લઈ હાથ વડે ડબકા ઉમેરવાફરી પાછું થોડું પાણી નાખી છેલ્લે લસણની ખાંડેલી ચટણી નાખી થોડીવાર માટે ઢાંકી ને ચડવા દેવું