કૂકરમાં ૨ ચમચા સીંગતેલ ગરમ કરો. વરાના શાકમાં તેલ થોડુ વધારે જ હોય છે. તેમાં રઇ નાંખો. રઇ ચટકે એટલે લવીંગ અને બાદિયા નાંખો. હિંગ નાંખો. તમાલપત્ર અને વઘારનુ મરચુ નાંખીને લસણ આદુ મરચાની પેસ્ટ નાંખો. લસણની કચાસ દુર થાય એટલે સમારેલા બટાકા એડ કરો. હલાવો.

ઢાંકીને ૨,૩ મીનીટ કૂક થવા દો. પછી ટામેટા નાંખીને બધા સૂકા મસાલા નાંખો. છેલ્લા સમારેલા રીંગણ એડ કરો. નાનો ટુકડો ગોળ નાંખો. હલાવીને થોડુ પાણી એડ કરો. સ્વાદમુજબ મીઠું નાંખીને એક ઉભરો આવે એટલે કૂકર બંધ કરીને ૨ વ્હિસલ વગાડો.

હવે કૂકર ને ઠંડુ થવા દો. કૂકરની વરાળ એની જાતે નીકળી જાય પછી કૂકર ખોલો. રસો પાતળો લાગતો હોય તો બટાકાના એક, બે ટુકડાને છુંદી નાંખો. રસો ઘટ્ટ થઇ જશે.છેલ્લા ૧/૨ ચમચી લીંબુનો રસ ઉમેરો. મીક્સ કરીને પૂરી સાથે સર્વ કરો.