சுரைக்காய் -ஐ தோல் நீக்கி துருவி எடுக்கவும். தண்ணீரை நன்றாக பிழிந்து எடுத்துக் கொள்ளவும்.

அதனுடன் அரிசி மாவு, கடலை மாவு, சோளமாவு சேர்த்து பிசையவும்.உப்பு தேவைக்கேற்ப சேர்க்கவும். நறுக்கிய ஒரு பச்சை மிளகாய் 1/4டீஸ்பூன் மிளகாய் தூள் 1/4டீஸ்பூன் கரம்மசாலா தூள், 1/4டீஸ்பூன் இஞ்சி பூண்டு விழுது,ஓமம் சேர்த்து பிசைந்து கொள்ளவும்.

பின் அடுப்பில் கடாய் வைத்து எண்ணெய் ஊற்றி காய்ந்ததும் பிசைந்து வைத்துள்ள சுரைக்காய் கலவையை சிறுசிறு உருண்டைகளாக எடுத்து எண்ணெயில் போட்டு பொரித்து எடுக்கவும்.

பின் அடுப்பில் மற்றொரு பாத்திரம் வைத்து எண்ணெய் விட்டு காய்ந்ததும் பட்டை, ஏலக்காய், கிராம்பு,பிரிஞ்சி இலை,சோம்பு சேர்த்து தாளிக்கவும்.

நறுக்கிய வெங்காயம் பச்சை மிளகாய் சேர்த்து வதக்கவும். இஞ்சிபூண்டுவிழுது சேர்த்து வதக்கவும்.கொத்தமல்லிதழை புதினா சேர்க்கவும். நன்றாக வதங்கியதும் நறுக்கிய தக்காளி சேர்த்து வதக்கவும்.

பின் மஞ்சள் தூள், மிளகாய் தூள், மல்லித்தூள், கரம்மசாலா தூள், சேர்த்து கிளறவும். பின் சிறிது தண்ணீர் சேர்த்து கொதிக்க விடவும். நன்றாக கொதித்ததும் தேங்காய் பால் சேர்க்கவும்.

நன்றாக கொதித்து கெட்டியானதும் அடுப்பை சிம்மில் வைத்து பொரித்த உருண்டைகளை சேர்த்து அடுப்பை ஆஃப் செய்யவும்.சாதத்துடன் பரிமாறவும்.