प्रथम सिमला मिरची स्वच्छ धुऊन त्यातील बिया काढून आणि लांबट आकारात चिरून घ्यावी. त्याचप्रमाणे कांदा ही लांबट आकारात चिरून घ्यावा. आणि लसणीच्या पाकळ्या ठेचून घ्याव्यात.

बेसन कोरडेच कढईमध्ये खमंग भाजून घ्यावे

नंतर नेहमीप्रमाणे तेल गरम करून,राई तडतडल्यावरती, लसूण पाकळ्या तांबूस कलरच्या झाल्यावर,त्यात कांदा घालावा, आणि कांदा गुलाबी रंगाचा परतून झाल्यावर त्यात हळद आणि मिरची पावडर घालून नीट परतून घ्यावे व सिमला मिरची घालावी गरजेप्रमाणे मीठ घालून मंद आचेवर दोन मिनिट फक्त झाकून ठेवावे

सिमला मिरची अर्धी कच्ची झाल्यावर त्यात भाजून घेतलेले बेसन घालावे आणि नीट मिक्स करून कढई झाकून त्याच्या झाकणावरती पाणी घालून मंद गॅसवर पाच मिनिटे ठेवून द्यावे. मध्ये दोनदा उघडून त्यावर पाण्याचा शिडकावा करावा.

अशा तऱ्हेने पाच मिनिटानंतर आपला सिमला मिरचीचा खमंग असा झुणका तयार होतो, त्यावर मस्त बारीक चिरलेली हिरवीगार कोथिंबीर पसरून बाजरीच्या भाकरी बरोबर खाण्यास अतिशय मजा येते.