ફરાળી સાબુદાણાની છુટ્ટી ખીચડી

સૌ પ્રથમ સાબુદાણા ને ધોઈ નાખો અને થાળી માં પાથરી પાણી ડૂબાડૂબ થાય એ રીતે પલાળીને ઉપર બીજી થાળી ઢાંકી અને મૂકી દો.

હવે બટેટાની છાલ ઉતારી એના નાના નાના કટકા કરી લો અને એને ધોઈ અને સાઈડ માં મૂકી દો.

હવે એક લોયામાં તેલ ગરમ કરો.

તેલ ગરમ થઈ ગયા પછી જીરુ,સૂકું લાલ મરચું અને તમાલપત્ર,લીમડો બધાથી વઘાર કરો.

હવે બટેટા એમાં ઉમેરી દો.

હવે હળદર અને મીઠું નાખીને હલાવી દો.

હવે બટાટાને ધીમા ગેસ પર ચડવા દો. ઉપર એક થાળી રાખી દો અને એમાં થોડું પાણી નાખી દો એટલે હોજ મળશે અને બટેટા એમાં એમાં ચડી જશે એટલે અંદર પાણી નાખવાની જરૂર નથી.

હવે એમાં ખાંડ ઉમેરી દો અને પાછું થોડીક વાર માટે રાખો.

બટેટા ચડી ગયા પછી એમાં મરચું,ધાણાજીરું અને લીંબુ ઉમેરી દો. લીંબુનો રસ નાખ્યા પછી થોડીક વાર રહેવા દેવું.

બધો મસાલો ઉમેરી દીધા બાદ એને હલાવીને મગફળી ના બી નો ભૂકો ઉમેરો.

હવે એમાં સાબુદાણા નાખીને સરખું મિક્ષ કરીને મસાલો ચઢવા દેવો.

હવે તૈયાર છે તમારી સાબુદાણાની ખીચડી.

હવે ઉપરથી કોથમીર,મગફળીના બી અને મરચા મરચા ના કટકા ઉમેરી દો. સાબુદાણાની ખિચડી દહીં સાથે સર્વ કરો.

1. ફરાળ માં કોઈ દિવસ રાય નો વપરાશ થતો નથી.
2. ફરાળ માં કોઈ દિવસ ટમેટા પણ વપરાતા નથી પણ તમારે વાપર હોય તો વાપરી શકો છો.
3. ઘણા લોકો હળદર પણ નથી વાપર તો જો તમે વાપરતા હોય તો જ હળદર નાંખવી નહી તો ના નાખતા.