ஒரு வெங்காயத்தை பெரிய துண்டுகளாக நறுக்கிக் கொள்ளவும். பசலைக் கீரையை கழுவி நறுக்கி வைத்துக் கொள்ளவும். பின்னர் ஒரு கடாயில் சிறிதளவு எண்ணெய் விட்டு, வெங்காயம் மற்றும் பசலைக் கீரையை சேர்த்து ஐந்து நிமிடங்களுக்கு மிதமான தணலில் வைத்து வதக்கவும். அவை ஆறியவுடன் மிக்ஸியில் விழுதாக அரைத்து வைத்துக் கொள்ளவும்.

அரைத்த விழுதுடன் துருவிய கேரட், பீட்ரூட், உருளைக்கிழங்கு, ஒரு டீஸ்பூன் மிளகாய்த்தூள், ஒரு டீஸ்பூன் கரம் மசாலாத்தூள், கடலை மாவு, அரிசி மாவு, உப்பு ஆகியவற்றை சேர்த்து கெட்டியான மாவாக பிசைந்து கொள்ளவும். கடைசியாக துருவிய பனீரை மாவில் சேர்த்து கலந்து கொள்ளவும்.

தயார் செய்து வைத்த மாவை சிறுசிறு உருண்டைகளாக உருட்டி எண்ணெயில் பொன்னிறமாக வரும் வரை பொரித்து எடுக்கவும்.

கடாயில் சிறிதளவு எண்ணெய் சேர்த்து அத்துடன் கிராம்பு,பட்டை, பிரிஞ்சி இலை, அன்னாசிப் பூ சேர்க்கவும். அத்துடன் நறுக்கிய ஒரு வெங்காயம் மற்றும் 2 தக்காளியை சேர்த்து பச்சை வாசனை போகும் வரை வதக்கவும். பின்னர் இவற்றை விழுதாக அரைத்து வைத்துக் கொள்ளவும்

ஒரு கடாயில் வெண்ணெய் சேர்த்து அத்துடன் அரைத்த விழுதையும் சேர்த்து வதக்கவும். அத்துடன் மிளகாய்த்தூள், தனியாத்தூள், கரம் மசாலாத்தூள் ஆகியவற்றை சேர்த்து சிறிதளவு தண்ணீர் விட்டு கொதிக்க விடவும்.

மசாலாவின் பச்சை வாசனை நீங்கிய பிறகு தேவையான அளவு உப்பு சேர்த்து பொறித்து வைத்த கோப்த்தாக்களை கிரேவியில் சேர்த்து, தேவையான அளவு தண்ணீர் விட்டு 10 நிமிடங்களுக்கு மிதமான தனலில் கொதிக்கவிடவும்.