સૌ પહેલા બધી સામગ્રીને ભેગી કરી લેવી. ભીંડાને સમારી લેવા. આદુ મરચાં અને લસણ ને મીકસર ના ઝારમાં ક્રશ કરી લેવા.એક તપેલીમાં દહીંને વલોવી લેવું પછી તેમાં પાણી ઉમેરવું ત્યારબાદ તેમાં બેસન નાખી અને વલોવવું. એક રસ થઇ જાય પછી તેમાં મીઠું નાખવું.

હવે એક કડાઈમાં તેલ મૂકી તેમાં જીરું અને મેથી નો વઘાર કરવો. મેથી જીરું તતડી જાય ત્યાર બાદ તેમાં લીલા મીઠા લીમડાના પાન નાખવા. હળદર નાંખવી. પછી ભીંડા નાખવા. ભીંડા ના ભાગ નું મીઠું નાખવું. અને પછી શાકની જેમ ચડવા દેવું.

ભીંડા નું શાક તૈયાર થઇ જાય એટલે તેમાં કઢી માટે તૈયાર કરેલું મિશ્રણ નાખવું. આદુ-મરચા-લસણની પેસ્ટ ઉમેરવી. પછી ઊકળવા દેવું. કોથમીર નાંખવી. તૈયાર છે આપણી ભીંડા ની કઢી. જે ખૂબ જ સ્વાદિષ્ટ લાગે છે. તમે કાઢીને શિયાળો હોય તો બાજરાના રોટલા સાથે પણ સરસ લાગે છે. રોટલી અને ભાખરી સાથે પણ ખાઈ શકો છો. ખીચડી અને ભાત સાથે પણ ખાઈ શકો છો. તમને જે રીત પસંદ આવે તેની સાથે તમે ખાઈ શકો છો.