એક બાઉલમાં ચણાનો લોટ લઈ તેમાં સીંગદાણાનો ભુકો, હળદર, મરચુ,ધાણાજીરુ, કોથમીર, લીલુ મરચુ, ગોળ, મીઠું અને એક ચમચી તેલ ઉમેરી સ્ટફિંગ તૈયાર કરી લો. સ્ટફિંગ માં ચપટી સોડા ઉમેરવાથી કારેલા જલ્દી ચડી જશે. હવે કારેલા અને બટાકામાં સ્ટફિંગ ભરી તૈયાર કરી લો. હવે એક તપેલીમાં નીચે પાણી ભરી ઉપર કાણા વાળા ઢાંકણ માં કારેલા બટાકા મુકી વરાળીયા બાફી લેવા.

કડાઈમાં તેલ ગરમ કરી તેમાં રાઈ જીરુ નો વઘાર કરી હિંગ નાખી બાફેલા કારેલા ઉમેરી લેવા. હવે ઉપરથી બચેલો સ્ટફિંગ નો મસાલો ઉમેરી મિક્સ કરી લો. 1/2 ચમચી ખાંડ ઉમેરી 5 મિનીટ ચડવા દો જેથી તેલ છૂટુ પડી જાય. હવે ઉપરથી કોથમીર ઉમેરી સર્વ કરો.