સૌ પ્રથમ કારેલા ને ધોઈ ને કોરા કરી તેની થોડી છાલ ઉતારી વચ્ચે થી કટ કરી બીયા કાઢી લેવા.

હવે એક પેનમાં 2 ટેબલ સ્પૂન તેલ ગરમ કરી તેમાં ચણા નો લોટ શેકી લેવો. સુંગધ આવે ત્યા સુધી. પછી લોટ ને ઠંડો કરવો.

હવે સ્ટફીંગ માટે શેકેલો ચણાનો લોટ,ધાણાજીરુ, લાલ મરચું, શીંગદાણા નો ભૂકો, તલ, હળદર, ગરમ મસાલો, મીઠું,ગોળ અને કોથમીર ઉમેરી બરોબર મિક્સ કરી લો.

હવે સ્ટફીંગ કારેલા માં દબાવી ને ભરી લેવા. કુકર માં પાણી ગરમ કરી ઉપર કાણા વાળી જાળી માં કારેલા મુકી કુકર બંધ કરી સીટી વગાડી બાફી લેવા.

હવે એક કડાઇ માં તેલ ગરમ કરી તેમાં રાઇ, જીરુ, તલ અને હિંગ નો વઘાર કરી તેમાં હળદર ઉમેરી બાફેલા કારેલા સાંતળો.

વધેલું સ્ટફીંગ ઉમેરી બરોબર મિક્સ કરી 5 મિનિટ ધીમા તાપે સાંતળો. પછી ગેસ બંધ કરી કોથમીર ઉમેરી મિક્સ કરી લો.