ઢોસા નું ખીરું બનાવવા માટે 3 કપ ચોખા અને 1 કપ અડદ ની દાળ ને અલગ અલગ 7-8 કલાક સુધી પલાળવું. હવે 8 કલાક પછી પાણી નિતારી મિકસચર માં ચોખા પીસવા. હવે અડદ દાળ પણ પીસી લેવી. અડદ દાળ પીસતી વખતે તેમાં 1/2 કપ રાંધેલા ભાત એડ કરવા. (ભાત એડ કરવા થી દાળ સરસ પીસાઇ જશે. અને ઢોસા ક્રિસ્પી બનશે) હવે બન્ને મિક્સ કરી એક વખત મિકસચર ફેરવવું, હવે તેમાં મીઠું એડ કરી ને 8-10 કલાક આથો આવવા દેવું.

સૌ પ્રથમ નારિયેળ ની ચટણી બનાવવા માટે મિકસચર જાર માં દાળિયા પીસી લેવા. હવે તેમાં છીણેલું/સમારેલું નારિયેળ, લીલા મરચાં, લિમડા ના પાન, મીઠું તથા નારિયેળ પીસવા પુરતું પાણી એડ કરી સારી રીતે પીસી લેવું. હવે તેમાં દહીં એડ કરી પ્લસ મોડ પર મિકસચર ફેરવી ને ચટણી તૈયાર કરવી. (દહીં એડ કર્યા બાદ મિકસચર વધુ ન ફેરવવુ, દહીં માંથી પાણી છૂટશે.)

સાંભાર બનાવવા માટે એક વાસણ માં તેલ ગરમ કરવું, તેમાં રાઇ, જીરું, મેથી, અડદ ની દાળ, હીંગ, લિમડા ના પાન તથા સૂકાં લાલ મરચાં નો વઘાર કરવો. હવે તેમાં છીણેલી દુધી અને છીણેલા ટામેટાં એડ કરવા. સરસ કૂક થઈ જાય, ટમેટાં નુ પાણી બળી જાય પછી તેમાં મીઠું, મરચું, હળદર, સાંભાર મસાલો એડ કરવું.

હલાવી ને બરાબર મિક્સ કરી તેમાં બાફીને બ્લેન્ડ કરેલી તુવેરની દાળ એડ કરવી. તથા પાણી એડ કરવું. હવે તેમાં બાફેલું બટેટું અને આંબલી નો પલ્પ એડ કરવું. સાંભાર થોડું ઘટ્ટ થાય ત્યાં સુધી ઉકાળવું. સાંભાર તૈયાર છે.(અહીં સાંભાર આપણી ઈચ્છા મુજબ જેટલું ઘટ્ટ જોઇએ એ પ્રમાણે પાણી એડ કરવું.)

ઢોંસા બનાવવા માટે નોનસ્ટિક તવી ગરમ કરવી. હવે તેના પર 4-5 ટીપાં તેલ નાખવું. ફલૅમ મિડિયમ કરવી. પાણી ની છાંટ મારી બધું પાણી એક સાફ નેપ્કિન થી લૂછી લેવું.

હવે 1.5 કડછી જેટલું ઢોંસા નુ બેટર તવી પર વચ્ચે રેડવું. કડછી વડે વચ્ચે થી સ્ટાર્ટ કરી ગોળ ફેરવતાં જવું, અને ઢોસો પાથરવું. 3-4 ટીપાં તેલ છાંટી મિડિયમ ફલૅમ પર શેકાવા દેવુ. કૂક થયા બાદ જાતે જ ઢોંસા નુ પડ કોઈ એક બાજુ એ તવી થી અલગ થઈ જાય પછી તવેથા વડે સરળતાથી બાકીનો ઢોંસા વાળી શકાશે.

ઢોસા તૈયાર થઈ જાય એટલે ગરમ સાંભાર અને નારિયેળ ની ચટણી સાથે સર્વ કરવુ..