આઈસ્ક્રામ બનાવા માટે એક પેણી માં ચારેલો ઘઉં નો લોટ 4-5 મિનિટ માટે ધીમા તાપે શેકી ને ઠંડો પાડો. હવે 200 મીલી દૂધ માં શેકેલો ઘઉંનો લોટ ઉમેરી વિસ્કર ની મદદ થી મિક્સ કરો.

હવે એક પેણી માં 800 મીલી દૂધ લઇ તેને 40% બળી જાય ત્યાં સુધી ઉકાળો. હવે દૂધ ઘટ થાઈ એટલે એમાં કન્ડેન્સ્ડ મિલ્ક અને ફ્રેશ ક્રીમ ઉમેરો અને 5-7 મિનિટ ઉકાળો. હવે ગેસ ધીમી આંચ પર કરી તેમાં ઘઉં ના લોટ નું મિશ્રણ ઉમેરતા જાઓ અને હલાવતાં જાઓ. (ગઠ્ઠા નઈ પડે એનું ધ્યાન રાખવું, પડી જાય તો બ્લેન્ડર ફેરવવું) પરપોટા થાઈ એટલે ગેસ બંધ કરી ઠંડુ પડવા દો. ઠંડુ પડ્યા પછી મિશ્રણ ઘટ્ટ થઇ જશે.

હવે મિશ્રણ ને મીક્ષી ના જાર માં લઇ એમાં વેનીલા એસેન્સ નાખો અને 4-5 મિનિટ માટે બ્લેન્ડ કરો. હવે જાર માંથી 1/3 ભાગ એક એરટાઈટ ડબ્બા માં લઇ લો. બાકી ના મિશ્રણ માંથી 2 ભાગ કરી એક માં કોકો પાઉડર નાખો અને બીજા માં પીસતી પાઉડર અને 1-2 ટીપા લીલો ફૂડ કલર નાખી અલગ અલગ બ્લેન્ડ કરો અને એરટાઈટ ડબ્બા માં ભરી લો. ચોકલેટ વાળા મિશ્રણ માં ચોકો ચિપ્સ અને ચોકલેટ ના ટુકડા નાખો. ડબ્બા બંધ કરવા પેહલા એની ઉપર પ્લાસ્ટિક ફિલ્મ રૅપ કરો અને ફ્રીઝર માં 8 કલાક માટે મૂકી દો. (તમે એક અથવા વધારે મનગમતા ફ્લેવર બનાવી શકો છો)

બ્રોઉની બનાવા માટે એક ચારણી માં ઉપર જણાવેલ બધાં ડ્રાય ઘટકો લઇ ને 1-2 વાર ચાળી લો અને મિક્સ કરી લો. હવે બીજાં બોઉલ માં ઉપર જણાવેલ બધાં વેટ ઘટકો લઇ વિસ્કર ની મદદ થી બરાબર ભળી જાય ત્યાં સુધી મિક્સ કરો. હવે એની અંદર ડ્રાય ઘટકો નું મિશ્રણ ઉમેરો અને વિસ્કર થી મિક્સ કરો. હવે એક વાટકી માં એક ચમચી ઘઉં નો લોટ લઇ એમાં સમારેલા સૂકા મેવા મિક્સ કરો અને બ્રોઉની ના મિશ્રણ માં નાખી મિક્સ કરો (જેથી સૂકા મેવા તળિયે બેસી ના જાય).

હવે ગ્રીઝ કરેલા મોલ્ડ માં બટર પેપર મૂકી ને બ્રોઉની ના મિશ્રણ ને રેડી દો અને 4-5 વાર હલકું ટેપ કરો. ઉપર સૂકા મેવા અને ચોકો ચિપ્સ થી ગાર્નિશ કરો. આ મોલ્ડ ને પ્રી હીટ કરેલાં મીઠાવાળા પેન માં મૂકી દો. પેન ને ઢાંકી ને 40-45 મિનિટ બેક કરો. ટૂથપિક થી ચેક કરો. ક્લીન આવે તો બ્રોઉની તૈયાર છે. મોલ્ડ ને પેન માંથી કાઢી ઠંડુ થવા દો. પછી અનમોલ્ડ કરો.