સૌપ્રથમ પેસ્ટ બનાવવા માટે લવિંગ, ઈલાયચી, જીરુ, મગસતરી ના બીજ, કાજુના ટુકડા બધી સામગ્રીને કડાઈમાં હલકા હાથે શેકી લો. ઠંડુ પડે એટલે તેમાં પાણી ઉમેરી પેસ્ટ બનાવી લો.

કઢાઇમાં થોડું ઘી ગરમ કરો ત્યારબાદ તેમાં પનીરના ટુકડા શેલો ફ્રાય કરી લો. બહુ કડક કરવા નહીં કિનારી હલકી બ્રાઉન થાય એટલા તળવા. આમ કરવાથી સ્વાદ ડબલ થઇ જશે.

કઢાઇમાં ઘી તેલ ગરમ કરો અને તેમાં ટામેટાની પ્યુરી ને સાંતળો. થોડું મીઠું અને હળદર નાખો. જ્યાં સુધી તેલ છૂટું પડે ત્યાં સુધી સાંતળો ત્યારબાદ કસ્તુરી મેથી ઉમેરો. હવે તેમાં લાલ મરચું, હળદર, ધાણાજીરું, ગરમ મસાલો અને કાજુની પેસ્ટ ઉમેરો.

સરસ રીતે મિક્સ કરી એક વાટકી જેટલું પાણી ગ્રેવી માં એડ કરો. હવે ગ્રેવીને એક મિનિટ ઉકાળી ત્યારબાદ પનીરના ટુકડા ગ્રેવી ની અંદર ઉમેરો. હવે બેથી ત્રણ મિનિટ માટે બંધ કરીને થવા દો.