सारण तयार करण्यासाठी कढईमध्ये 1 चमचा तूप घ्या, त्यात नारळाचा चव घाला तो थोडासा परतल्यानंतर गुलकंद घाला थोडासा परतल्यानंतर सारण तयार होईल.

आता उकड तयार करूयात. त्यासाठी एका पातेल्यात 1 फुलपात्र पाणी घेऊन त्यात मीठ आणि 1 चमचा तूप घाला, चांगली उकळी आल्यानंतर त्यात तांदळाचे पीठ घाला आणि ढवळा. चांगले एकजीव झाल्यानंतर झाकण ठेवा, 2 मिनीटांनी गॅस बंद करा. 5 मिनिटे झाकून ठेवा

आता उकड परातीत घेऊन चांगली मॅशर ने मॅश करून घ्या. थोडी थंड झाली की थोडा पाण्याचा हात लावून मळून घ्या. त्यात रेड / पिंक फूड कलर घाला, रोझ इसेन्स घाला.

आता एक छोटा गोळा घेऊन, त्याची पारी बनऊन घ्या वाटीसारखी, आणि त्याला कळ्या पाडा, नंतर त्यात सारण भरून अलगद मोदकाचे तोंड बंद करा. अशा प्रकारे मोदक तयार करून 10 मिनिटे वाफवून घ्या, गुलकंद मोदक तयार आहेत