સૌ પ્રથમ સાબુદાણા ને ચોખ્ખા પાણી થી ધોઈ ને 2 થી 3 કલાક માટે પલાળી રાખો. ત્યાર બાદ શીંગદાણા ને પેન મા ડ્રાય રોસ્ટ કરી ને મિક્સર મા અધકચરો પીસી લો.

હવે એક પેન મા તેલ ગરમ કરી તેમાં શીંગદાણા ને તળી લો. ને એક પ્લેટ માં કાઢી ઠંડા કરવા મૂકી દો.

એ જ પેન મા જીરું, લીલા મરચાં ના ટુકડા, મીઠા લીમડા ના પાન અને બટાકા ના ટુકડા અને સેંધાં મીઠું ઉમેરી મિક્સ કરી ઢાંકણ ઢાંકી ને ગેસ ની મીડીયમ આંચ પર બટાકા સોફ્ટ થાય ત્યાં સુધી કૂક કરી લો. ને સાથે સાથે વચ્ચે વચ્ચે ચમચા થી હલાવતા પણ રહેવું, જેથી નીચે બટાકા ચોંટી ન જાય. (તમે ઇચ્છો તો બટાકા બાફી ને ટુકડા કરી ને પણ લઈ સકો છો)

હવે બટાકા સોફ્ટ થઈ ગયા છે. હવે આમાં આદુ ના ટુકડા ને ખમણી ને ઉમેરી મિક્સ કરી લો. ત્યાર બાદ આમાં પલાળેલા સાબુદાણા માંથી બધું પાણી નીચોવી કોરા કરી ને આમાં ઉમેરી મિક્સ કરી ઉપર સાબુદાણા નાં ભાગ નું સેનધા મીઠું ઉમેરી ઢાંકણ ઢાંકી ને ગેસ ની સ્લો આંચ પર 4 થી 5 મિનિટ માટે કૂક કરી લો. વચ્ચે વચ્ચે ચમચા થી હલાવતા રહેવું..જેથી સાબુદાણા નીચે ચોંટી ના જાય.

હવે આમાં રોસ્ટ કરેલા શીંગદાણા નો ભૂકો, ખાંડ પાઉડર, લીલી કોથમીર ના પાન અને લીંબુ નો રસ ઉમેરી મિક્સ કરી તરત જ ગેસ ની આંચ બંધ કરી લો. લાસ્ટ માં આ સાબુદાણા ખીચડી પર તળેલા શીંગદાણા થી ગાર્નિશ કરી સર્વ કરો.

હવે આપણે આ જ બનાવેલી સાબુદાણા ખીચડી માંથી સાબુદાણા ખીચડી ની ભેળ બનાવીશું. એની માટે આ બનાવેલી સાબુદાણા ખીચડી માંથી 1 કપ સાબુદાણા ની ખીચડી બોલ માં ઉમેરી તેમાં લાલ મરચું પાઉડર, કાળા મરી પાઉડર, શેકેલા જીરાનો પાઉડર, લીંબુ નો રસ અને સેંધાં મીઠું ઉમેરી મિક્સ કરી લો.

હવે આમાં લીલી કોથમીર ના પાન, દાડમ ના દાણા અને ફરાળી ચેવડો ઉમેરી મિક્સ કરી લો. હવે આપણી ભેળ તૈયાર છે સર્વ કરવા માટે ઉપરથી લીલી કોથમીર ના પાન ઉમેરી ગાર્નિશ કરો.

હવે આપણી હેલ્થી ને ઉપવાસ માં ખવાય એવી સ્વાદિસ્ટ ફરાળી સાબુદાણા ની ખીચડી ને સાબુદાણા ની ભેળ તૈયાર છે સર્વ કરવા માટે. તમે તમારી ઈચ્છા મુજબ પ્લેટિંગ કરી સકો છો.