સૌપ્રથમ એક કડાઈમાં ચણાનો લોટ,છાશ અને પાણી ઉમેરી ત્રણેય વસ્તુ ને બરાબર મિક્સ બેટર બનાવવું તેમાં ગાઠા ના રહે ત્યાં સુધી બરાબર મિક્સ કરી લેવું ત્યારબાદ તેમાં મીઠું અને હળદર નાંખવી.

હવે ગેસ ઓન કરી કઢાઈને મૂકવી અને બેટર ને સતત હલાવતા રહેવું 20 મિનિટ સુધી હલાવવું એક સાઈડ હલાવતાં રહેવું આ બેટર બરાબર ઘટ્ટ થઈ જશે અને ચણાનો લોટ બરાબર પાકી જશે.

ત્યારબાદ આ મિશ્રણ તૈયાર થાય ત્યારે પ્લેટફોર્મ ઉપર તેલ લગાડી દેવું અથવા થાળી માં તેલ લગાવી ખીરાને એકદમ પાતળું પાથરી દેવું. ત્યારબાદ તેમાં ઉભા કાપા પાડી એને રોલ તૈયાર કરી લેવા.

હવે ગેસ ઓન કરી નાની કડાઈ માં તેલ મૂકી તેલ ગરમ થઈ જાય પછી તેમાં રાઈ નાખવી તે તતડી જાય એટલે લીલા મરચાં, મીઠા લીમડાના પાન, હિંગ છેલ્લે તલ ઉમેરી ગેસ બંધ કરી દેવો અને વઘાર તૈયાર થઇ ગયા બાદ ખાંડવી ઉપર છાંટવો.