காளானை நன்கு கழுவி நறுக்கி கொள்ள வேண்டும். வெங்காயத்தை நறுக்கி வைத்து கொள்ளவும். தேங்காய் கலவை அரைத்து வைத்து கொள்ளவும்.

வாணலியில் எண்ணெய் விட்டு சோம்பு, பிரிஞ்சி இலை, கிராம்பு, பட்டை, ஸ்டார் போட்டு வதக்கவும். பின்னர் வெங்காயம், கறிவேப்பிலை சேர்த்து வதக்கவும்.

நன்கு வதங்கியவுடன் இஞ்சி பூண்டு விழுது சேர்த்து வதக்கவும். பிறகு தக்காளி சேர்க்கவும். பிறகு மஞ்சள் தூள், மிளகாய் தூள், சீரகத்தூள், மல்லி தூள், உப்பு போட்டு வதக்கவும்.

பின்னர் நறுக்கி வைத்த காளானை சேர்க்கவும். நன்கு வதங்கிய பின்பு 1/2 டம்ளர் தண்ணீர் சேர்க்கவும். காளானில் தண்ணீர் வரும் என்பதால் அவசியம் என்றால் சேர்த்து கொதிக்க வைக்க வேண்டும்.

பின்பு அரைத்து வைத்த தேங்காய் கலவையை சேர்த்து கொதிக்க வைத்து இறக்கினால் கறி சுவையில் "காளான் குழம்பு" தயார்.