சிக்கனை நன்கு சுத்தம் செய்து சிறிது உப்பு தயிர் மஞ்சள் தூள் சேர்த்து 10 நிமிடம் ஊறவைக்கவும்.மிக்ஸி ஜாரில் இஞ்சி பூண்டு மிளகு சீரகம் சோம்பு இவை அனைத்தையும் ஒன்றாக சேர்த்து விழுதாக அரைத்துக் கொள்ளவும்

குக்கரில் ஒரு டேபிள்ஸ்பூன் எண்ணெய் சேர்த்து பட்டை லவங்கம் ஏலக்காய் பிரிஞ்சி இலை தாளித்து பொடியாக நறுக்கிய வெங்காயம் சேர்த்து பொன்னிறமாக வதக்கி அரைத்த இஞ்சி பூண்டு விழுது சேர்த்து பச்சை வாசனை போகும் வரை நன்கு வதக்கவும்.

பொடியாக நறுக்கிய தக்காளி சேர்த்து நன்கு வதக்கி அரைத்த மசாலா தூள்களையும் சேர்த்து ஒரு நிமிடம் வதக்கவும்.ஊற வைத்த சிக்கனை சேர்த்து 2 நிமிடம் வதக்கி குழம்புக்கு தேவையான அளவு உப்பு சேர்த்து வதக்கவும்.

அதனுடன் தேவைக்கேற்ப சிறிது தண்ணீர் சேர்த்து நன்கு கலந்து விட்டு குக்கரை மூடி 3 விசில் விட்டு வேக வைக்கவும்.

தேங்காயுடன் கசகசா சேர்த்து மிக்ஸியில் விழுதாக அரைத்துக் கொள்ளவும்.அரைத்த விழுதை குழம்பில் சேர்த்து தேவையான அளவு தண்ணீர் சேர்த்து நன்கு கலந்து விட்டு மிதமான தீயில் வைத்து 5 நிமிடம் கொதிக்க வைத்து எடுத்தால் சுவையான அதிரடி சிக்கன் குழம்பு ரெடி.

கடைசியில் சிறிது கொத்தமல்லி தழை தூவி இறக்கவும் சூடான சாதம் இட்லி தோசை என அனைத்திற்கும் ஏற்றது.