સૌપ્રથમ બાટી નો લોટ બાંધવા માટે 2 વાટકી ઘઉંનો લોટ લો તેમાં ૩ થી ૪ ટેબલસ્પૂન રવો ઉમેરો. ત્યારબાદ તેમાં 3 ટેબલસ્પૂન તેલ અને 3 ટેબલ સ્પૂન ઘી ઉમેરો. અને એકદમ કડક લોટ બાંધો.

આ લોટમાંથી નાના નાના બોલ જેવડી બાટી બનાવો અને કડાઈમાં ચડવા મૂકી દો.

હવે બીજી સાઈડ એક પ્રેશર કુકરમાં ૧ થી ૨ ટેબલ સ્પૂન તેલ મૂકો. તેમાં 1 ટીસ્પૂન જીરુ ઉમેરી ૫ થી ૬ લસણની કરી ક્રશ કરીને ઉમેરો.

ત્યારબાદ તેમાં ૧ ટી.સ્પૂન હળદર અને ૨ નંગ ટામેટા ની પ્યુરી ઉમેરો.

ત્યારબાદ તેમાં એક વાટકી મગની ફોતરાવાળી દાળ અને 2 થી 3 ટેબલ સ્પૂન ચણાની દાળ ઉમેરો ત્યારબાદ સારુ મીઠું ઉમેરી અને પાણી ઉમેરી ધીમી આંચ પર દાળને ચાર સીટી વગાડો.

તૈયાર છે દાલ બાટી બાઉલમાં બાટી ના કટકા કરી તેમાં ડુંગળી, લસણની ચટણી, આચાર અને ઘી ઘી ઉમેરી ઉપરથી દાળ ઉમેરીને ખાઈ શકાય.