સૌપ્રથમ ઘઉંનો કરકરો લોટ કણકી કોરમા નો લોટ અને સોજી નો લોટ મિક્સ કરી લો.તેની અંદર સ્વાદ અનુસાર મીઠું અને આઠથી દસ ચમચી તેલ નાખી દો. એક ચમચી હળદર નાખી દો. અને જરૂર પ્રમાણે પાણી લઈને બાટી માટે લોટ બાંધી લેવો.

ત્યારબાદ ગોળ ગોળ વાળી બાટી તૈયાર કરી લેવી. અને પછી અપ્પમ ના સ્ટેન્ડમાં બાટી મૂકવી અને ઘી થી ગોલ્ડન થાય ત્યાં સુધી બંને બાજુ શેકી લેવી.

ચણાની દાળ,અડદની દાળ, તુવેરની દાળ અને મગની દાળને ધોઈને 10 થી 15 મિનિટ માટે પલાળી દેવી. ત્યારબાદ તેને કૂકરમાં ત્રણ સીટી મારી ચડાવી દેવી. દાળ ચઢી ગયા પછી તેને ગ્રાઈન્ડ કરી લેવી. અને તેમાં એક ચમચી હળદર પાઉડર, 2 ચમચી મરચુ પાઉડર,એક ચમચી ધાણાજીરું પાઉડર, મીઠું સ્વાદ અનુસાર એડ કરી દેવું.

હવે એક કડાઈમાં ૨ થી ૩ ચમચી તેલ લેવું તેલ ગરમ થાય એટલે તેમાં એક ચમચી રાઈ નાખો, ૨ વઘાર ના લાલ મરચા, ત્યારબાદ લસણ આદું, હળદર અને મરચું પાઉડર નાંખો. હવે તેમાં ડુંગળી નાખો ડુંગળી સંતળાઈ ગયા પછી, ટામેટા નાખો અને 1/2ચમચી ગરમ મસાલો પાઉડર નાખો તે વઘાર હવે દાળમાં નાંખી દેવો. અને દાળ ને ૫ થી ૧૦ મિનિટ ઊકળવા દેવી. પછી ગેસ બંધ કરી દો.