સૌ પ્રથમ કાંદા,ટામેટાં,કેપ્સીકમ બધુ આ રીતે બારીક કાપી લો. હવે માઈક્રોવેવ બાઉલ માં ઘી નાંખી થોડુ પીગળે એટલે તરત જ મીડીયમ કાંદો ઝીણોં સમારેલ, મીડીયમ કેપ્સીકમ ઝીણું સમારેલું અને મીઠુ નાખી ૨ મીનીટ માઈક્રો મોડ પર મિક્ષ્સ કરો અને તેને બહુ પાકવા ન દેવું.

પછી તેમાં ટમેટું ઝીણું સમારેલ નાંખી ફરી ૧ થી ૨ મિનીટ મિક્ષ્સ કરી લો. પછી તેમાં લાલ મરચું, ચમચી હળદર, અને ચમચી ગરમ મસાલો નાંખી મિક્ષ્સ કરી લો.હવે તેમા બ્રેડ ના નાના ટૂકડા કરી અને ૨-૩ ચમચા પાણી નાંખી હલાવો. જેથી બધો મસાલો બ્રેડ સાથે ચોટી જાય એટલે માઈક્રોવેવ પ્રુફ લીડ ઢાંકી ૨-૩ મિનીટ માઈક્રો મોડ પર મુકો.

હવે જો મસાલો ઓછો લાગે તો જરૂર પ્રમાણે નાંખવો અને હવે ૧ થી ૨ ચમચી બટર નાંખી ફરી હલાવી ૧ મીનીટ ગરમ કરો.તો રેડી છે મસાલા પાંઉ. ગરમાગરમ સર્વ કરો..માઈક્રોવેવ માં જો બનાવો તો કુકરમાં સ્ટીમ આપવી નહી..

(આજ વસ્તુ તમે ગેસ પર પણ બનાવી શકો છો)

નોન સ્ટીક પેન માં ઘી નાંખી થોડુ પીગળે એટલે તરત જ મીડીયમ કાંદો ઝીણોં સમારેલ, મીડીયમ કેપ્સીકમ ઝીણું સમારેલું અને મીઠુ નાખી મિક્ષ્સ કરો. બહુ પાકવા ન દેવું. પછી તેમાં ટમેટું ઝીણું સમારેલ નાંખી મિક્ષ્સ કરી લો. પછી તેમાં લાલ મરચું,ચમચી હળદર, અને ચમચી ગરમ મસાલો નાંખી મિક્ષ્સ કરી લો.હવે તેમા બ્રેડ ના નાના ટૂકડા કરી તેમાં નાંખી મિક્સ કરી લો અને ૨-૩ ચમચા પાણી નાંખી હલાવો.

જેથી બધો મસાલો બ્રેડ સાથે ચોટી જાય. હવે જો મસાલો ઓછો લાગે તો જરૂર પ્રમાણે નાંખવો. હવે તેને બીજા બાઉલ માં કાઢી લો. હવે કુકર માં પાણી ગરમ કરવા મુકી એ બાઉલ તેમાં મુકી હવે ૧ થી ૨ ચમચી બટર નાંખી ૨-૩ સીટી મારી દો.અથવા સીટી કાઢી તેને બાષ્પ થી પાકવા દો તો રેડી છે મસાલા પાંઉ.
ગરમાગરમ સર્વ કરો.