ગાર્લિક બટર બનાવવા માટે એક બાઉલ માં બટર ને પી ગડાવવું..હવે તેમાં પાવ ભાજી મસાલો, ચોપ કરેલું લસણ, અને સમારેલી કોથમીર નાખી મિક્સ કરો. એટલે ગાર્લિક બટર તૈયાર થશે. જેને સાઈડ માં રાખી લો.

હવે ઓવેન ને 200 ડિગ્રી પર પ્રિ હીટ કરવા મુકો..હવે પાવ ની લાદીને આડો કાપ મૂકી ને 2 ભાગ કરો. ત્યારબાદ સ્ટફિંગ બનાવેલી પેન ને જ ગેસ પર ગરમ કરી ઉપર બનાવેલું 3 ટેબલસ્પૂન જેટલું ગાર્લિક બટર ફરતું પાથરી દો. તેની ઉપર હવે પાવ ની લાદી નો એક ભાગ લઇ અંદર ની બાજુ ને રગદોળી ને શેકી લો. એજ રીતે પાવ ની લાદી ના બીજા ભાગ ને પણ શેકી લો.

હવે બંને પાવ ને શેકેલો ભાગ ઉપર રહે એ રીતે પ્લેટ માં ગોઠવી દો. હવે બંને પાવ ઉપર સ્ટફિંગ પાથરો અને પ્રોસેસ્ડ ચીઝ છીણી લો. હવે નીચે ની લાદી ના સ્ટફિંગ ઉપર સમારેલો કાંદો, સમારેલી કોથમીર અને ચાટ મસાલો ભભરાવો। હવે એની ઉપર પાવ ની બીજી લાદી ગોઠવી દો અને હાથ થી હલકું દબાવી દો. હવે ઉપર ના ભાગ પાર ચપ્પુ ની મદદ થી ઉભા અને આડા છીછરા કાપ મુકો.કાપ ની અંદર અને બહાર પાવ ઉપર ગાર્લિક બટર લગાવો.

હવે પ્રિ હીટ કરેલા ઓવન માં 180 ડિગ્રી પર 5 થી 7 મિનીટ માટે પાવ ને બેક કરી લેવા. તૈયાર ચીઝ ગાર્લીક મસાલા પાવ ને ઈચ્છાનુસાર ગાર્નિશ કરીને સર્વ કરો.