कुड्याच्या फुलांची भाजी (kurdyacha phulanchi bhaji recipe in marathi)

प्रथम कुड्याची फुले व्यवस्थित साफ करून स्वच्छ धुवून घ्यावी व त्यात पाणी घालून ती गॅसवर उकळत ठेवावी

फुले चांगली शिजली कि त्यातील गरम पाणी काढून पुन्हा त्यात थंड पाणी घालून ती फुले स्वच्छ धुवावी व ती पिळुन घ्यावी

पिळुन घेतलेली भाजी सुरीने मोठी मोठी कापून घ्यावी, आता गॅसवर कढई ठेवून त्यात तेल ओतावे व ते गरम झाले की त्यात बारीक चिरलेला कांदा घालावा तो थोडा भाजला कि त्यात लसुन ठेचुन टाकावे व हे दोन्ही पण साहित्य चांगले भाजून घ्यावे

कांदा लसूण चांगला भाजला कि त्यात लाल तिखट, हळद, मीठ व गरम मसाला घाला चांगले मिश्रण परतून घ्यावे व त्यात वरील चिरलेली फुलांची भाजी घालावी, भाजी चांगली परतून घ्यावी व त्याच्यावर झाकण ठेवून पाच ते दहा मिनिटे वाफवून द्यावी व सर्वात शेवटी ओले खोबरे घालून ती पुन्हा परतून गॅस बंद करावा