तुरीच्या डाळीचे वरण शिजवून घ्यावे. कांदा, टोमॅटो, शेवग्याची पाने स्वच्छ धुवून चिरून घ्यावी.

आता गॅसवर एक कढई ठेवून त्यात तेल टाकावे. गरम झाल्यावर त्यात जीरे मोहरी टाकून ते तडतडल्यावर त्यात कांदा, हिरवी मिरची, कढीपत्ता, आले लसूण पेस्ट टाकावी. कांदा सोनेरी झाल्यावर त्यात हळद, तिखट, धणे पूड आणि मसाला टाकून मिक्स करून घ्यावे.

त्यानंतर त्यात टोमॅटो टाकून चांगले परतून घ्यावे. आता त्यात शेवग्याची पाने टाकावी, व दोन मिनिट शिजवावे. त्यानंतर त्यात तयार वरण टाकावे.

आवश्यतेनुसार पाणी टाकून आता त्यात गूळ आणि चवीनुसार मीठ टाकावे. दोन तीन उकळ्या आल्यावर, कोथिंबीर टाकावी.

गॅस बंद करून घ्यावा. शेवग्याचे चविष्ट आणि पौष्टिक वरण, गरमागरम भाकरी किंवा पोळी सोबत खाण्यास तयार आहे.