स्प्रिंग रोल (spring roll recipe in marathi)

स्प्रिंगरोल शीट बनवण्यासाठी प्रथम एका बाउल मध्ये मैदा, कॉर्नफ्लोअर, तेल, मीठ व पाणी ही सर्व सामग्री मिसळुन घ्या. एका नॉनस्टिक पॅन मध्ये तेल न लावता या घोळाला पसरवा. एकाच बाजुनी हलके होईपर्यंत शेका.

पॅन मधून हाताने हलकेच काढून घ्या. स्प्रिंगरोल शीट एकमेकांवर ठेवताना थोडे कॉर्नफ्लॉवर किंवा मैदा भुरभुरावा म्हणजे एकमेकांना चिकटणार नाहीत.
फरसबी, कोबी, गाजर आणि भोपळी मिरचीचे उभी चिरून घ्यावी.

कढईत तेल गरम करावे. त्यात आलेलसूण व कांदा परतावा. फरसबी, कोबी, गाजर, आणि भोपळी मिरची घालून साधारण ३० सेकंद मोठ्या आचेवर परतावे.

नंतर मीठ, मिरपूड आणि सोया सॉस घालून ३० सेकंद ढवळावे. आच बंद करून सारण एका बोलमध्ये काढून ठेवावे.

एक स्प्रिंगरोल शीट घेउन त्याच्या एका कडेला एक चमचा सारण ठेवावे. डावी आणि उजवी बाजू आत फोल्ड करून दोन वेळा रोल करून पुढे रोल करत न्यावी.

शेवटी मैदा+पाण्याच्या पेस्टने कड चिकटवून टाकावी.अशाप्रकारे सर्व स्प्रिंग रोल बनवावे.

तेल गरम करून मध्यम आचेवर रोल तळावेत. मध्ये तिरके कापून टिशू पेपर वर ठेवावेत.

स्प्रिंग रोल्स गरमगरम चिली सॉस,टोमॅटो सॉस बरोबर सर्व्ह करावे.