ગાજર, ફણસી અને મકાઇ નાં દાણા ને વરાળે બાફવા. એક પેન માં ઓઈલ મૂકી તેમાં લસણ ની પેસ્ટ નાખી મશરૂમ, બ્રોકોલી અને કેપ્સીકમ નાખવા. સતત હલાવતાં રહેવું. થોડું કુક થાય એટલે તેમાં બાફેલા વેજિસ નાખી મીઠું ચીલી ફ્લેક્સ અને ઓરેગાનો નાખી 1-2 મિનિટ જેવું સોતે કરી ગેસ બંધ કરવો.

વ્હાઈટ સોસ માટે એક પેન માં બટર મૂકી મેંદો નાખી શેકો. ત્યારબાદ તેમાં દૂધ નાખી થોડું પાણી નાખવું. સહેજ ઉકળે એટલે તેમાં મીઠું, મરી, ખાંડ અને હબ્સ નાખી ક્રીમ નાખવું. મિક્સ કરી ગેસ બંધ કરવો.

રેડ સોસ માટે ટામેટાં ને બાફી લેવા ત્યાર બાદ ક્રશ કરી ગાળી ને ટોમેટો પ્યુરી તૈયાર કરવી. પેન માં ઓલિવ ઓઈલ મૂકી તેમાં લસણ ની પેસ્ટ નાખવી. ત્યારબાદ ટોમેટો પ્યુરી નાખી મીઠું, મરી બેઝિલ ઓરેગાનો ચીલી ફ્લેક્સ ટોમેટો કેચઅપ નાખી થોડી વાર કુક કરી ગેસ બંધ કરવો.

હવે બ્રેડ ને વણી લો. કોર્નર કાઢવા હોય તો કાઢી શકાય. અહીંયા મેં રહેવા દીધા છે.

હવે બેકિંગ ટ્રે માં નીચે રેડ અને વ્હાઈટ સોસ નું એક પાતળું લેયર લગાડવું. ત્યારબાદ તેના પર વણેલી બ્રેડ પાથરવી. હવે બંને સોસ વારાફરથી લગાવી વેજીસ મૂકવા. ચીઝ સ્લાઈસ અને મોઝરેલા ચીઝ મૂકી ફરી બ્રેડ મૂકી સોસ અને વેજિસ મૂકી બ્રેડ મૂકી બાકી નાં સોસ નાખી ઉપર થી મોઝરેલા ચીઝ મૂકી ઉપર થી ચીલી ફ્લેક્સ ઓરેગાનો અને ગારલિક પાઉડર ભભરાવો.

હવે પ્રી હિટ ઓવન માં કનવેક્ષન મોડ માં 8-10 મિનિટ માટે મૂકવું. તૈયાર છે બ્રેડ લઝાનિયા. ઓવન વગર કરવું હોય તો પેન માં પણ કરી શકાય છે.