સૌપ્રથમ અડદની દાળને ધોઈ લો પછી તેમાં જરુર મુજબ પાણી નાખીને બરાબર ૪-૫ કલાક પલળવા દો. હવે, મિક્સરજારમાં પલાળેલી દાળ, સમારેલાં લીલાં મરચાં-આદું, હીંગ, જીરું અને મીઠું ઊમેરીને ક્રશ કરી લો, વડા હાથેથી પડી શકે તેવું બેટર તૈયાર કરો.

હવે, એક કડાઈમાં તેલ ગરમ કરી વડાને ૫ મિનીટ સારીરીતે ફેટી પછી ગરમ તેલમાં તળી લો. ત્યારબાદ વડાને ૧૦ મિનીટ માટે પાણીમાં પલાળી રાખો, જેથી તે સોફ્ટ થઈ જાય, વડામાંથી પાણી નીતારીને એક બાઉલમાં કાઢી લો.

એક બાઉલમાં દહીં, ખાંડ, સંચળ અને શેકેલા જીરાનો ભૂકો ઉમેરી સારી રીતે ફેટી લો.
ત્યારબાદ પલાળેલા વડા પર દહીં અને તેના પર શેકેલ જીરા પાઉડર અને લાલ મરચું પાઉડર, લીલી ચટણી, બુંદી અને કોથમીર નાખી ને સર્વ કરો.