સૌ પ્રથમ કંટોલા અને ડુંગળીને ઊભી ચીરીમાં સમારી લો. હવે એક પેનમાં તેલ મૂકી તેમાં રાઈ જીરું અને હિંગ નો વઘાર કરો. તેમાં કંટોલા અને ડુંગળી વઘારો. તેમાં મીઠું, મરચું, હળદર નાખી ને બરાબર હલાવી લો. ઢાંકી ને થવા દો. થોડી થોડી વારે હલાવવું જેથી ચોંટે નહીં.

એક બાઉલમાં ચણાનો લોટ, હળદર, મીઠું, મરચું, ધાણાજીરું અને ખાંડ નાખી ને મિક્સ કરી લો. શાક બરાબર ચડી જાય એટલે તેમાં મિક્સ કરેલો મસાલો નાખી બરાબર હલાવી લો. 2 મિનિટ માટે થવા દો. બસ તૈયાર છે કંટોલા ડુંગળીનું શાક......ગરમ ગરમ રોટલી સાથે સર્વ કરો.