પૂર્વ તૈયારીઓ:
- હંગ કર્ડ બનાવવા માટે એક બાઉલ ઉપર સ્ટ્રેનર મૂકી તેમાં કપડું પાથરો. કપડાં માં 1 1/2 કપ ફૂલ ફેટ મોળું દહીં મૂકી તેની પોટલી બનાવો. પોટલી ને દબાવી જેટલું પાણી કાઢી શકાય તેટલું કાઢી લો. હવે પોટલી ને ફ્રિજ માં 10-12 કલાક માટે લટકાવી દો, નીચે વાસણ મુકો જેમાં દહીં માંથી ટપકતું પાણી ભેગું થશે. ફ્રિજ માં મુકવા થી દહીં ખાટ્ટું નહિ થાય. હવે કપડું ખોલી મસ્કાને એક બાઉલ માં લઇ લો. હંગ કર્ડ તૈયાર છે.
- સાબુદાણા ને 3-4 પાણી એ ધોઈ ને એક પહોળા વાસણ માં 1 કપ પાણી લઇ તેમાં 5-6 કલાક માટે પલાળી દો.

ફિલિંગ બનાવવા માટે ઉપર તૈયાર કરેલા હંગ કર્ડ માં ઉપર જણાવેલ ફીલિંગ ના બધા ઘટકો ઉમેરી ને બરાબર મિક્સ કરી લો. ફિલિંગ તૈયાર છે.

હવે વડા બનાવવા માટે હથેળી ઉપર પાણી લગાવી તેની ઉપર વડા નું થોડું મિશ્રણ લઇ તેને થાપી લો. વડા ની જોઈતી સાઈઝ પ્રમાણે મિશ્રણ લેવું. હવે તેની ઉપર તૈયાર કરેલું 1/2 tsp ફિલિંગ મૂકી ને બધી બાજુ થી બંધ કરી દો અને વડા ને હલકા હાથે થાપી ને સરખો આકાર આપો. આ રીતે બધા વડા તૈયાર કરો અને ગરમ તેલ માં મીડીયમ ફ્લેમ પર ગોલ્ડન બ્રોવન તળી લો. સાબુદાણા વડા બોંબ તૈયાર છે.

ફરાળી ચટણી માટે ઉપર જણાવેલ ચટણી ના બધાં ઘટકો એક મીક્ષી જાર માં લઇ પીસી લો. હવે એક વઘારિયું મૂકી એમાં તેલ ગરમ કરો. એમાં જીરું, તલ, લીલું મરચું અને મીઠા લીમડા ના પાન નાખી તેને તૈયાર કરેલી ચટણી ઉપર રેડીને મિક્સ કરી લો. ફરાળી ચટણી તૈયાર છે.

તૈયાર છે બહાર થી ક્રિસ્પી અને અંદર થી સોફ્ટ એન્ડ ક્રીમી એવા સ્વાદિષ્ટ ફરાળી સાબુદાણા વડા બોંબ. તેને ફરાળી ચટણી સાથે ગરમા ગરમ સર્વ કરો. ઈચ્છા મુજબ પ્લેટિંગ કરો.