સૌપ્રથમ મગની તેમજ તુવેરની દાળ બેથી ત્રણ વખત ચોખ્ખા પાણી થી ધોઈ 30 મિનિટ માટે પલાળી રાખી દો, સાથે સાથે સીંગદાણાને પણ પલાળીને રાખી દો.

જ્યાં સુધી દાળ અને શીંગદાણા ત્યાં સુધી માં લોટ બાંધી તૈયાર કરી લો.

લોટ બાંધવા માટે ઘઉંનો લોટ, ચણાનો લોટ, સ્વાદ મુજબ મીઠું, અજમો અને મોણ માટે ઘી લઇ જરૂર મુજબ પાણી ઉમેરતા જઈ કઠણ એવો લોટ બાંધી તૈયાર કરી લો. પરથી થોડું તેલ લગાવી પાંચથી દસ મિનિટ માટે લોટને રેસ્ટ આપો.

હવે દાળ, શીંગદાણા અને બટાકાને સાથે બાફવા મુકી દો અને ત્રણ વિસલ થાય ત્યાં સુધી થવા દો.

કુકરનું બધું પ્રેશર નીકળી જાય એટલે બટેટાનો માવો કરી તેમાં ગરમ મસાલો, સ્વાદાનુસાર મીઠું, દળેલી ખાંડ, સમારેલા લીલા મરચાં, તેમજ કોથમીર નાખી બરાબર મિક્સ કરી તેમાંથી નાની સાઈઝના ગોળા વાળી તૈયાર કરી લો.

હવે દાળમાં બ્લેન્ડર ફેરવીને બરાબર એકરસ કરી લો.

હવે તૈયાર કરે લોટમાંથી નાની નાની પૂરી તૈયાર કરી તેમાં વચ્ચે બટેટાના પુરાણનો બોલ મૂકી પૂરીને બરાબર બધી બાજુથી પેક કરી દો. આ રીતે બધી કચોરી વાળી તૈયાર કરી લો.

એક પેનમાં તેલ ગરમ થાય એટલે કચોરીને બંને બાજુ બરાબર શેલો ફ્રાય કરીને એક પ્લેટમાં કાઢી લો.

હવે દાળ નો વઘાર કરવા માટે એક પેનમાં તેલ તેમજ ઘી લો. ગરમ થાય એટલે તેમાં તમાલપત્ર, સૂકું લાલ મરચું, લવિંગ, હિંગ, રાઈ, જીરુ, મીઠા લીમડાના પાન, આદુ મરચાની પેસ્ટ નાખીને દાળ ઉમેરી બરાબર ઉકાળી લો.

જરૂર જણાય તો થોડું પાણી ઉમેરતા જવું. દાળ ઉપડી જાય એટલે તેમાં કચોરી નાખી પાંચથી સાત મિનિટ માટે દાળને ઢાંકી કચોરીને બરાબર દાળમાં એકરસ થઈ જવા દેવી.

ઉપરથી કોથમીર અને શીંગદાણા નાખી દો અને ગરમાગરમ પ્લેટમાં કાઢી સર્વ કરો.