એક વાટકામાં દુધ લઈ, તેમાં વિનેગર ઉમેરી તેને હલાવી ૧૦ મીનીટ ઢાંકીને મુકવું.
પછી તેમાં તેલ, ઓરેન્જનો રસ તથા દળેલી ખાંડ ઉમેરી ખુબ સરસ રીતે તેને ફીણી લેવું.

હવે તેમાં ચારણીથી ચાળી મેંદો, બેકિંગ પાઉડર, તથા બેકિંગ સોડા ઉમેરી મીક્ષ કરવું. તેમાં જેલ કલર ઉમેરી, જરૂર મુજબ દુધ ઉમેરી મિશ્રણ તેયાર કરવું. (નોંધ: મિશ્રણ વધારે પાતળું કે વધારે ઘટ્ટ ના હોવું જોઈએ.)

હવે આ મિશ્રણને ગ્રીસ કરેલ ટીનમાં પાથરી, ૧૦ મીનીટ પ્રીહીટ કરેલ કઢાઈમાં ૪૦ મીનીટ ગેસ પર ધીમી આંચ પર કઢાઈને ઢાંકીને થવા દેવું. પછી ટૂથપીક કે ચપ્પાથી ચેક કરવું. જો તે ચોખ્ખી નીકળે તો કેક થઈ ગઈ છે.

કેક થઈ ગયી હોય તો ગેસ બંધ કરી દેવો. કેક ટીનને ૧૫ મીનીટ ઠંડું થવા દેવું. પછી કેકટીનમાંથી કેકને બહાર કાઢી લેવી.

કેકને ચપ્પાની મદદથી ૨ લેયરમાં કાપી લેવી. હવે કેકબોર્ડ પર કેકનું પહેલું લેયર મુકી તેના પર ખાંડ સીરપ લગાવી, તેના પર વ્હીપ ક્રીમ લગાવી તેના પર બ્લેક કરંટ પલ્પ લગાવવું. ત્યારબાદ તેના પર બીજું લેયર મુકી, તેના પર ખાંડ સીરપ અને વ્હીપ ક્રીમ લગાવી, આખી કેકને વ્હીપ ક્રીમથી કવર કરી લેવી. હવે કેક પર તમારી પસંદ મુજબ ડેકોરેશન કરવું.