સૌથી પહેલા મોટી કથરોટમાં મેંદો (ચાળીને) લેવો. તેમાં રવો ઉમેરી ભેળવી લેવું. ત્યારબાદ તેમાં જીરૂ, મરી તથા મીઠું ઉમેરવા.

તેને મીક્ષ કરી તેમાં ઘી ઉમેરી લોટને મસળી લેવો.

લોટની મુઠ્ઠી વાળી ચેક કરવું. પછી લોટમાં થોડું થોડું પાણી ઉમેરી લોટ બાંધવો. (નોંધ: લોટ મીડીયમ કઠણ બાંધવો.) પછી તેને ૧૫ મીનીટ કપડાંથી ઢાંકીને મુકી રાખવો.

હવે લોટના નાના-નાના લુવા કરી, પૂરી વણવી. પૂરી પર ચપ્પાથી કાપા કરતા જવું. જેથી પૂરી ફુલે નહિ.

ધીમા ગેસ પર તાવડીમાં તેલ ગરમ કરી બધી પૂરી તળવી. વચ્ચે વચ્ચે લપટાવતી રહેવું. હલકી ગુલાબી રંગની થાય એટલે ઝારાની મદદથી કાઢી લેવી.