લીલા વટાણા અને બટાકાને બાફી લો. પછી બટેટાનો માવો કરી લો અને ઉપર મુજબના બધુ તૈયાર કરો.

હવે એક લોયામાં તેલ ગરમ કરો. તેલ ગરમ થાય પછી તેમાં લીમડો અને હીંગ તેમજ તલ ઉમેરો.પછી તેમાં ડુંગળી નાખી તેને બે ત્રણ મિનિટ સુધી સાંતળી લો.

તે પછી તેમાં આદુ, લીલા મરચા ની કટકી અને ટામેટા ઉમેરી તે પછી તેમાં હળદર, લાલ મરચું પાઉડર, ગરમ મસાલો ઉમેરી બરાબર મિક્ષ કરી લો.

ત્યાર પછી તેમાં ખાંડ, લીંબુ અને સ્વાદ પ્રમાણે મીઠું તેમજ વટાણા ઉમેરો અને મિક્સ કરી લો.

ત્યાર પછી તેમાં બટેટાનો માવો ઉમેરી બધુ બરાબર હલાવી લો. તૈયાર છે સમોસા નો મસાલો.

એક કથરોટમાં મેંદાનો લોટ લો. પછી તેમાં તેલ અને મીઠું ઉમેરો અને મિક્સ કરી લો પછી જરૂર મુજબ પાણી ઉમેરી તેનો લોટ બાંધી લો. પછી લોટને 10 મિનિટ સુધી ઢાંકીને રાખી દો.

પછી હવે લોટ ના લુવા કરી ને તેની મોટી રોટલી વણી લો. પછી તેના એકસરખા બે ભાગ કરી લો.

હવે તેના સમોસા બનાવી તેમાં મસાલો ભરો અને તેની કિનારી ફરતે પાણી લગાવી સમોસા ને પેક કરી દો અને આ રીતે બધા સમોસા બનાવી લો.

હવે એક કડાઈમાં તેલ ગરમ કરો. તેલ ગરમ થાય પછી તેમાં સમોસાને મીડીયમ ફ્લેમ પર બ્રાઉન અને ક્રિસ્પી થાય ત્યાં સુધી તળી લો.