સૌપ્રથમ દહીં મા ચણાનો લોટ નાખી ને બ્લેન્ડર થી બ્લેન્ડ કરી અને ગરણી થી ગાળી ઘોળવું તૈયાર કરી લેવું.ઘોળવા માં ૧ ગ્લાસ પાણી નાંખી દેવું.

એક તપેલીમાં ઘી ગરમ કરવા મૂકવું ગરમ થાય એટલે તેમાં રાઈ મેથી જીરું હિંગ સૂકૂ લાલ મરચું નાખી દેવુ. ત્યારબાદ તેમાં જીણું સમારેલું લસણ અને લીલાં મરચાં ના ટુકડા અને આદુ નાખી દેવુ.અને હળદર નાખી દેવી.

ત્યારબાદ તેમાં તૈયાર કરેલું ઘોળવું નાખી ને તેમાં મીઠું ગોળ લાલ મરચું પાઉડર ધાણાજીરુ નાખી દેવું અને મીક્સ કરી લેવું. અને લીંબુનો રસ નાખી દેવો. અને કસૂરી મેથી હાથેથી મસળી ને નાખી દેવી. કઢી માં કસૂરી મેથી નો સ્વાદ એકદમ સરસ લાગે છે.
નોંધ: કઢી માં લીંબુનો રસ નાખવાથી કઢી ફાટશે નહીં.
કઢી માં મસાલા થોડા ચડિયાતા રાખવા એટલે કઢી ટેસ્ટી 😋 લાગે છે

પહેલા ફાસ્ટ તાપે ૧/૨ ઉભરા આવે ત્યાં સુધી ઉકાળી લેવી. પછી ગેસ ધીમો કરી દેવો અને ૮/૧૦ મીનીટ સુધી ઉકળવા દેવી.

તો તૈયાર છે ગરમા ગરમ
કાઠીયાવાડી ખાટી મીઠી કઢી
Serving બાઉલમાં કાઢી ઉપર કોથમીર નાખી ગાર્નિશ કરીને સર્વ કરવી.
ગરમ ગરમ કઢી સર્વ કરી શકાય છે.