સૌપ્રથમ દાળ અને ચોખાને ધોઈને અલગ અલગ પાંચ થી છ કલાક સુધી પલાળી નાખો પાંચ થી છ કલાક બાદ તેને મિક્સર માં નાખીને પીસી લો અને પીસી ની દાળ અને ચોખાને ભેગા કરીને હલાવી નાખો. હવે આ દાળ અને ચોખાના ખીરા ને એક ડબ્બામાં ભરીને હૂંફાળી જગા પર ઢાંકીને મૂકી દો.આખી રાત અથવા 7-8 કલાક સુધી.જેથી તેમાં આથો સારો આવી જાય.

આથો આવી જાય પછી તેમાં જરૂર મુજબ મીઠું અને ચપટી ખાવાનું સોડા નાખીને હલાવી નાખો હવે એક સ્ટીમરમાં અથવા ઈડલી કુકરના ટ્રેમાં તેલ લગાવીને આ ઈડલીના ખીરાને તેમાં ઉમેરો અને ઢાંકીને 10 થી 12 મિનિટ સુધી તેને થવા દો. હવે ગરમાગરમ અને સોફ્ટ ઈડલી બનીને તૈયાર છે.

ઇડલી ની ચટણી બનાવવા માટે એક મિક્સર જારમાં કોપરાને કાપીને નાખો પછી તેમાં લીલા મરચા અને દાળિયા તેમજ જરૂર મુજબ મીઠું અને પાણી નાખીને પીસી લો હવે એક વધારે આમાં તેલ ગરમ મૂકીને તેમાં રાઈ મીઠો લીમડો લાલ સૂકા મરચાં અને ચપટી હિંગ નાખીને આ વઘારને ચટણીના મિક્સરમાં ઉમેરો હવે આપણે કોપરાની ચટણી બનીને તૈયાર છે તેને ઈડલી સાથે સર્વ કરો.

સાઉથ ઇન્ડિયન રેસીપી માં ઈડલી અને ચટણી ખાવામાં ખૂબ જ સ્વાદિષ્ટ લાગે છે અને પચવામાં પણ ખૂબ હલકો ખોરાક છે. જેથી બધા લોકોને ખૂબ જ પસંદ આવે છે.