સબ્જી બનાવવા માટેની બધી સામગ્રી રેડી કરી લો. વેજીટેબલને કટ કરી લો. પનીરને પણ કટ કરી લો.

પેનમાં બટર મૂકીને ફણસી, ગાજર, વટાણા એડ કરીને ફાસ્ટ ગેસ પર બે મિનિટ માટે સાંતળો. જરૂર મુજબ મીઠું એડ કરો. પછી તેમાં ડુંગળી અને ટામેટા એડ કરો તેને પણ સાંતળી લો. છેલ્લે યલો બેલ પેપર, રેડ બેલ પેપર અને ગ્રીન કેપ્સિકમ એડ કરીને સાંતળો.

વેજીટેબલ્સ ને બહુ કૂક કરવાના નથી થોડી કચાશ નીકળી જાય અને થોડા ક્રંચી રહે તેવા રાખવાના છે. ગેસ બંધ કરી લો. હવે બધા વેજિસ ને એક બાઉલમાં કાઢી લો.

હવે એ જ પેનમાં તેલ અને ઘી ગરમ કરવા મૂકો. તેમાં લીલા મરચા, ડુંગળીની ગ્રેવી અને આદુ લસણની પેસ્ટ એડ કરીને સાંતળો. પછી તેમાં ટામેટા ની પ્યુરી એડ કરો અને તેલ છૂટે ત્યાં સુધી કુક થવા દો.

ગ્રેવી બરાબર કૂક થઈ ગઈ છે. હવે તેમાં હળદર, લાલ કાશ્મીરી મરચું,ગરમ મસાલો, કસૂરી મેથી અને સ્વાદ મુજબ મીઠું એડ કરો. પછી તેમાં સાંતળેલા વેજીટેબલ્સ અને પનીર એડ કરીને બરાબર સરખું મિક્સ કરી લો. થોડી વાર કૂક થવા દો પછી કોથમીર થી ગાર્નિશ કરો.

ગરમાગરમ વેજીટેબલ જાલફ્રેઝી સબ્જી રેડી છે. તેને સર્વ કરો.