સૌ પ્રથમ પરાઠા માટેનો લોટ તૈયાર કરી લેવો. ઘઉંના લોટમાં ચપટી મીઠું તેમજ તેલનું મોણ આપી મીડીયમ સોફ્ટ લોટ બાંધી લેવો.
લોટમાં ફરી થોડું તેલ નાખી સરસ રીતે મસળીને સ્મૂથ કરી લેવો તેમજ ઢાંકીને થોડીવાર મૂકી રાખવો જેથી લોટ બરાબર સેટ થઈ જાય ને ત્યાં સુધીમાં પરાઠા માટેનું સ્ટફિંગ તૈયાર કરી લેવું.

સ્ટફિંગ તૈયાર કરવા માટે સૌપ્રથમ મૂળાને સાફ કરી, છાલ ઉતારી મીડીયમ છીણીથી છીણી લેવું. છીણ મોટું હોય તો પરાઠા વણતી વખતે તૂટે માટે છીણ મોટી નથી રાખવાનું. ત્યારબાદ આ છીણને કોટનના સાફ કપડામાં લઈ તેમાંથી પાણી નિતારી લેવાનું છે. પ્રેસ કરીને મૅક્સિમમ નીકળે તેટલું પાણી નિતારી લેવાનું.

સ્ટફિંગ તૈયાર કરી લીધા પછી લોટમાંથી સરખા લૂવા બનાવી લેવા, તેમાંથી એક લુવો લઈ તેને વચ્ચેથી જાડી રહે તેમ પૂરી જેવડી રોટલી વણીને તૈયાર કરવાની છે એટલે કે કોરની સાઈડ પાતળી અને વચ્ચેના ભાગમાં રોટલી જાડી રહે એ રીતે વણવાની છે.
પૂરી વણી તેમાં વચ્ચે સ્ટફિંગ મુકો. રોટલીની કિનારીઓ ઉપર તરફ ભેગી કરી પોટલી બનાવો તેમજ વધારાનો લોટ દૂર કરી બરાબર પ્રેસ કરી લો, જેથી સ્ટફિંગ બહાર ન નીકળે. ત્યારબાદ કોરા લોટથી ડસ્ટીંગ કરી હાથથી થપથપાવીને રોટલાની જેમ પરાઠુ જેટલું મોટું થઈ શકે તેટલું કરો.

વણી લીધા બાદ આ પરોઠાને સાંતળી લો, પરોઠું વણતી વખતે જે નીચેની સાઈડ છે તે સાઈડ લોઢીમાં પણ નીચેની સાઈડ રહે તેમ મુકવાનું છે. બંને સાઈડ તેલ કે માખણ લગાવી ગોલ્ડન બ્રાઉન ડિઝાઇન ઉપસી આવે ત્યાંસુધી સાંતળવાનું છે. આ પરોઠા સ્ટવની ફ્લેમ સ્લો રાખીને સાંતળવાના છે કારણકે આપણે અંદરનું સ્ટફિંગ કાચું લીધેલું છે.

તો તૈયાર છે... ખુબ જ સ્વાદિષ્ટ અને હેલ્ધી એવા મૂળાના પરોઠા બનીને તૈયાર છે જેને ખાવાની ખુબ જ મજા પડે છે, તો એકવાર તમે પણ બનાવજો, બધાને ખુબ જ ભાવશે.