સૌ પ્રથમ ગાજરને છોલીને સારી રીતે ધોઈને છીણી લો.
એક કડાઈમાં મધ્યમ તાપ પર ઘી ગરમ કરો અને તેમાં છીણેલા ગાજર ઉમેરી, ચમચી વડે બરાબર હલાવી, ઢાંકીને 5 મિનિટ સુધી પકાવો.જ્યારે ગાજરમાંથી રસ ઓછો થઈ જાય, પછી તેમાં દૂધ ઉમેરો અને હલવો ઘટ્ટ થાય ત્યાં સુધી પકાવો, ચમચા વડે સતત હલાવતા રહો.

ગેસની આંચને ધીમી કરો અને છીણેલા માવાને એક તપેલીમાં અથવા કડાઈમાં મધ્યમથી ધીમી આંચ પર, ચમચા વડે સતત હલાવતા રહો, જ્યાં સુધી માવો ઓગળે અને તેનો રંગ થોડો બદલાઈ જાય. જ્યારે માવો શેકાય જાય ત્યારે તેને ગાજરના હલવામાં નાખીને 2 મિનિટ સુધી ચમચા વડે સતત હલાવતા રહીને ગેસ બંધ કરી દો.

જે કડાઈમાં માવાને શેક્યો એજ પેનમાં કાજુ-બદામ અને કિસમિસ ને 2 મિનિટ માટે શેકી લો. હવે શેકેલા કાજુ-બદામ, કિસમિસ અને ઇલાયચી પાઉડર ઉમેરીને બરાબર મિક્ષ કરી લો.

ખૂબ જ સ્વાદિષ્ટ અને પૌષ્ટિક ગાજર નો હલવો તૈયાર છે. તમે તેને ગરમાગરમ અથવા ઠંડો થયા પછી પણ સર્વ કરી શકો છો.