ફરાળી કટલેસ (Farali Cutlet Recipe In Gujarati)

સૌપ્રથમ સાબુદાણાને 20 મિનિટ પલાળી લેવા. તેમાંથી હાથેથી દબાવી પાણી નિતારી લેવું અને બટાકુ અને શક્કરિયાને મેશ કરી તેમાં સાબુદાણા નાખવા.

હવે આદુ- મરચાની પેસ્ટ,સફેદ તલ, અધકચરા વાટેલા શીંગદાણા, ખાંડ, ધાણાજીરું પાઉડર, મીઠું, રાજગરાનો લોટ અને કોથમીર નાખી બરાબર મિક્સ કરી માવો તૈયાર કરી લેવો.

હવે કટલેસના બીબામાં માવાનું મિશ્રણ ભરી કટલેસ તૈયાર કરી લેવી. તેને રાજગરાના લોટમાં રગદોળી હાથેથી થોડું પ્રેસ કરી વધારાનો લોટ કાઢી લેવો. આ રીતે બધી કટલેસ તૈયાર કરી લેવી. સેલો ફ્રાય કરવા માટે પેનમાં ત્રણ 4 ચમચી જેટલું તેલ મૂકી ગરમ થાય એટલે કટલેસ મૂકી બંને બાજુ ગોલ્ડન કલરની ફ્રાય કરી લેવી.

તો તૈયાર છે ફરાળી કટલેસ, વ્રતમાં ફરાળી કટલેસ ની મજા માણો.