பச்சை அரிசியை 2 மணி நேரம் ஊற வைத்து பின் நன்றாக கழுவி எடுத்துக் கொண்டு ஒரு துணியில் நிழலில் காய வைக்கவும்.

1/2 மணி நேரம் கழித்து மிக்ஸியில் இட்டு நைஸாக அரைத்து, சலித்து, வறுத்து எடுத்துக் கொள்ள வேண்டும்.

அடுப்பில் ஒரு பாத்திரத்தில் தண்ணீர் ஊற்றி நன்கு கொதிக்க வைக்கவும். கொதி வந்த பிறகு கீழே இறக்கி வைத்து மாவில் சிறிது சிறிதாக ஊற்றி உப்பு சேர்த்து இடியாப்ப மாவு பதத்திற்கு பிசையவும்.

நன்கு பிசைந்த மாவை சிறு சிறு உருண்டைகளாக செய்து கொள்ளவும்.
உருண்டைகளை இட்லி தட்டில் வைத்து 4 நிமிடங்கள் வேகவைத்து எடுக்கவும்.

பின்னர் அடுப்பில் வாணலியை வைத்து சிறிது எண்ணெய் விட்டு காய்ந்த உடன் சீரகம் கடுகு, உ.பருப்பு சேர்த்து,சிவந்தவுடன் க.இலை, ப.மிளகாய் மற்றும் மி. தூள் சேர்த்துக் கிளறி,உடன் தே. துருவல் மற்றும் மல்லி இலையை சேர்த்து வேக வைத்த உருண்டைகளையும் சேர்த்து 2 நிமிடங்கள் கிளறி இறக்கவும்.

பின் குறிப்பு : மிளகாய் தூளிற்கு பதிலாக இட்லி மிளகாய் பொடி சேர்க்கும் போது சுவை இன்னும் கூடுதலாக இருக்கும்.....