સૌ પ્રથમ મિક્ષરમાં ટામેટા, કેપ્સિકમ અને આદુને વાટીને ગ્રેવી બનાવો.

એક ફ્રાયપેનમાં તેલ મૂકી તેમાં વરિયાળી, રાઈ, જીરું અને મેથીનાં દાણાને મિક્સ કરીને ફ્રાય કરો. તેમાં હીંગ તથા સૂકા લાલ મરચાં ઉમેરો. વઘાર તતડે પછી તેમાં તૈયાર કરેલી ટામેટા-કેપ્સિકમ-આદુની ગ્રેવી ઉમેરી ૭-૮ મિનિટ સાંતળો.

તેમાં મગજતરીનાં બીનો પાવડર ઉમેરો. ત્યાં સુધી દહીંને બીટરથી બીટ કરી લો. જ્યારે ગ્રેવી તેલમાં સંતળાઈ જાય તેલ છૂટે પછી તેમાં હળદર, લાલ મરચું પાવડર, ધાણાજીરું પાવડર તથા મીઠું ઉમેરીને મિક્સ કરો.

પછી તે ગ્રેવીમાં વિસ્ક કરેલું દહીં થોડું-થોડું ઉમેરતા જાઓ અને મિક્સ કરતાં જાઓ, ૩-૪ મિનિટ પકાવો. ત્યારબાદ તેમાં પનીરનાં ક્યુબ ઉમેરી મિક્સ કરો. તેમાં ૧/૪ કપ પાણી ઉમેરી મધ્યમ આંચે ૪-૫ મિનિટ પકાવો. વધારે કૂક ન કરવું નહિતર પનીર રબ્બર જેવું ચવ્વડ થઈ જશે. તેમાં ખાંડ ઉમેરો.

ત્યારબાદ તેમાં અથાણાનો મસાલો, કસૂરી મેથી ઉમેરી મિક્સ કરો. ગરમાગરમ સબ્જીને પરોઠા કે બટર રોટી સાથે સર્વ કરો.