પનીર અંગારા

મિત્રો સૌપ્રથમ પનીર અંગારા માટે ની સામગ્રી એકત્રિત કરવી.
▪️કાજુ, મગજ તરી અને ખસખસને પાણીમાં 15 મિનિટ પલાળી પછી મિક્સરમાં પીસી અને પેસ્ટ તૈયાર કરવી.
▪️નાની કટોરીમાં હળદર, લાલ મરચું, ધાણાજીરુ, ગરમ મસાલો મિક્સ કરી થોડું પાણી નાખી ચમચીથી હલાવી મસાલા પેસ્ટ તૈયાર કરવી.
▪️ ટમેટા, ડુંગળી, લસણ, આદું, મરચાં સુધારવા.

ગ્રેવી બનાવવા માટે.. ગેસ ઉપર નોનસ્ટિક પેનમાં તેલ ગરમ કરી જીરૂ, ઈલાયચી, લવિંગ, વરીયાળી,તજ, મરી, લાલ સુકા મરચા નાખો ત્યારબાદ સમારેલા આદુ, મરચા, લસણ નાંખી સાંતળો પછી સમારેલ ડુંગળી નાખી સાંતળો. ડુંગળી બ્રાઉન કલર ની થાય પછી ટમેટા ના પીસ કરી ને નાખોને ગ્રેવી માં તેલ ઉપર આવે ત્યાં સુધી ઢાંકીને ચઢવા દો. ત્યારબાદ ગેસ બંધ કરી દો ને ગ્રેવી ઠરે પછી મિક્સર માં ગ્રાઇન્ડ કરો. તૈયાર છે ડુંગળી- ટમેટા ગ્રેવી.

હવે ગેસ ઉપર નોનસ્ટિક પેનમાં તેલ ગરમ કરો. ગરમ તેલમાં જીરૂ નાંખો. જીરું બ્રાઉન રંગનું થાય પછી મસાલા પેસ્ટ નાંખી સાંતળો, પછી તરતજ ડુંગળી- ટમેટા વાળી ગ્રેવી નાંખી સાંતળો, ગ્રેવી માથી તેલ ઉપર આવે ત્યાં સુધી ઢાંકીને ચડવા દો. પછી કાજુ વાળી પેસ્ટ નાખી સાંતળો પછી કસુરી મેથી નાખી જરુરિયાત મુજબ હુંફાળું પાણી નાખી ઢાંકીને ચડવા દો. ત્યારબાદ મલાઈ નાંખી ચમચાથી હલાવો ગ્રેવી તૈયાર જાય પછી પનીર પીસ નાખી ઢાંકીને ધીમી આંચે બે મિનીટ ચડવા દો જેથી પનીર ની અંદર બધો મસાલો મિક્સ થઈ જાય.

હવે એક કોલસાને ડાયરેક્ટ ગેસની ફ્લેમ ઉપર ગરમ કરો. પછી પનીર ગ્રેવી વાળી સબ્જી ઉપર વચ્ચે નાની કટોરી રાખી તેની અંદર ગરમ કોલસા ને મૂકી ઉપર એક ચમચી ઘી રેડી પછી ઇન્સ્ટન્ટ ઢાંકણ ઢાંકી દો અને પાંચ મિનિટ રહેવા દો. સ્મોકી ફ્લેવર સબ્જી માં અંદર આવી જશે પછી ઢાંકણ ખોલી કોલસા વાળી કટોરી બહાર કાઢી લો. તૈયાર છે સ્મોકી ફ્લેવર વાળું પનીર અંગારા સબ્જી... ગરમાગરમ પરાઠા અને પુલાવ સાથે સર્વ કરવા માટે....