સૌ પ્રથમ સમોસા બનાવવા ની બધી સામગ્રી આ રીતે તૈયાર રાખવી..બાફેલા બટેટા ની છાલ કાઢી થોડા ક્રશ કરી લેવા.બ્રેડ ની ચારે બાજુ ની કિનાર ચપુ ની મદદ થી કાપી લેવી. બધા બ્રેડ ને વેલણ થી પાતળા વણી લેવા.હવે એક નોનસ્ટિક પેન માં બે ટેબલસ્પૂન તેલ ગરમ કરવું.આંચ ધીમી રાખવી.તેમાં આદુ ની પેસ્ટ, સમારેલા લીલાં મરચાં નાખી સાંતળવું. ક્રશ કરેલા બાફેલા બટેટા નાખવા.મીઠું સ્વાદ પ્રમાણે, ધાણા નો પાઉડર, હળદર,ગરમ મસાલો,લાલ મરચું પાઉડર,આમચૂર પાઉડર અને સમારેલી કોથમીર નાખવી.

મિશ્રણ બરાબર હલાવી મિક્સ કરવુ.સમોસા નું મિશ્રણ તૈયાર છે.

એક એલ્યુમિનિયમ ફોઇલ પર એક વણેલી બ્રેડ ની સ્લાઈસ લેવી.તેના પર સેઝવાંન ચટણી બરાબર લગાવી દેવી.હવે બીજા બ્રેડ ની સ્લાઈસ તેના પર મૂકી,બટેટા નું મિશ્રણ પાથરવું.

તેના પર ત્રીજા બ્રેડ ની સ્લાઈસ મૂકવી અને કોથમીર ફુદીના ની લીલી ચટણી લગાડવી.હવે તેના પર ચોથી બ્રેડ સ્લાઈસ મૂકી દેવી અને ફૉઇલ ની મદદ થી રોલ વાળવો.

આ રીતે બીજો રોલ પણ તૈયાર કરવો.ત્રીજા રોલ માટે પહેલા બ્રેડ ની સ્લાઈસ પર સેઝવાન ચટણી,તેના પર બીજું બ્રેડ સ્લાઈસ, તેના પર ચીઝ સ્લાઈસ મૂકવી.

તેના પર ત્રીજી બ્રેડ સ્લાઈસ મૂકી, લીલી ચટણી લગાવવી, છેલ્લે તેના પર બ્રેડ સ્લાઈસ મૂકી ફોઈલ ની મદદ થી રોલ બનાવવો.આ રીતે હજી એક ચીઝ સ્લાઈસ વાળો રોલ બનાવી લેવો.બે રોલ બટેટા ના મિશ્રણ વાળા અને બે રોલ ચીઝ સ્લાઈસ વાળા,એમ ચાર રોલ તૈયાર થશે. ફ્રીજ માં ત્રીસ મિનિટ માટે સેટ થવા મૂકી દેવા.

ફ્રીજ માંથી રોલ કાઢી, તેના અડધો ઇંચ જાડા આ રીતે પીનવ્હીલ કાપી લેવા.એક કઢાઈ મા મધ્યમ આંચ પર તેલ ગરમ કરવું.બરાબર ગરમ થાય પછી આંચ થોડી ધીમી કરી બધા રોલ બ્રાઉન ક્રિસ્પી થાય ત્યાં સુધી તળવા.પ્લેટ મા કાઢી લેવા.ગરમ ગરમ બ્રેડ ના પિઝ્ઝા સમોસા ટોમેટો કેચઅપ સાથે પીરસવા.