દાલ: તુવેર ની દાલ ને સાફ કરી, સરખી ધોઈ ને પાણી અને મીઠું નાખી બાફી લેવી.પછી એક કઢાઈ માં તેલ ગરમ કરી જીરું નાખી તતડાવો. હવે તેમાં ઝીણા સમારેલા લીલાં મરચાં, આદુ વાટેલું, ટામેટા નાખી સરખું ચડાવી લેવું.. હવે તેમાં હળદર, બાફેલી દાળ, ગરમ મસાલો,નાખી સરખી ઉકળવા દેવું.. પછી દાળ ઉકળી જાય એટલે ઉતારી લેવું. એક તડકા પેન માં જરાક તેલ ગરમ કરી જીરું, હિંગ, લાલ સૂકું મરચું,નાખી તતડાવો.ગેસ બંધ કરી જરાક લાલ મરચું પાવડર નાખી દાલ પર તડકાવો.. બસ તૈયાર છે દાલ તડકા..

બાસમતી ચોખા ને સરખા સાફ કરી ધોઈ ને પાણી નાંખી ૪૫ મિનિટ પલાળી રાખવું..હવે એક કઢાઈ માં તેલ ગરમ મૂકી તેમાં જીરું, તજનો ટુકડો, તજ ના પાન, મરી,લવિંગ, ફુલચક્રી, હિંગ નાખી તતડાવો. ગાજર, વટાણા, ફણસી, બધું નાખી ચડાવી લો..હવે બાસમતી ચોખા, મીઠું, નાખી ને ૨-૩ મિનિટ સાંતળો.. પછી પાણી નાખી ઢાંકીને પાણી સુકાય ત્યાં સુધી ચડાવી લો.. હવે પુલાવ ચડી જાય એટલે ઢાંકીને થોડી વાર રહેવા દો.. જેથી પુલાવ છુટ્ટો થશે.

હવે દાલ તડકા અને પુલાવ ને સાથે એક પ્લેટ માં કાઢી સર્વ કરો. લીલાં તળેલા મરચાં થી ગાર્નિશ કરો..બસ તૈયાર છે દાલ તડકા અને વેજ પુલાવ.