સૌપ્રથમ એક નાના બાઉલમાં માપ પ્રમાણે હૂંફાળું ગરમ પાણી લઈને દળેલી ખાંડ અને યીસ્ટ ઉમેરીને દસ મિનિટ રેસ્ટ આપો. ત્યારબાદ એક બાઉલમાં મેંદાનો લોટ લઇ તેમાં મીઠું અને હુંફાળું ઘી તેમજ એક્ટિવ યીસ્ટ નું પાણી ઉમેરી બ્રેડ માટેનો ડો તૈયાર કરો ત્યારબાદ એક બાઉલમાં તેલ લગાવીને ડો ને ત્રણ કલાક માટે ફર્મેન્ટેશન માટે મૂકી દો.

જ્યારે લોટ ફૂલીને ડબલ થઇ જાય ત્યારે લોટને પંચ મારીને એર કાઢી લો અને ચોખ્ખા પ્લેટફોર્મ પર લોટ થી ડસ્ટીગ કરીને 10 થી 15 મિનિટ માટે લોટને બંને હાથેથી મસળીને બનાવી બેકિંગ ટ્રેમાં થોડું ઘી કે બટર થી ગ્રીસ કરીને તેમાં આ લોટને સ્પ્રેડ કરી દો અને ફરીથી ફૂલીને ડબલ થાય તે માટે હુંફાળી જગ્યા પર મુકી દો.

હવે આપણો લોટ ફૂલીને ડબલ થઇ ગયો છે તો તેમાં તેલવાળી આંગળીથી નાના-નાના હોલ કરી ઉપર બટર, બ્લેક ઓલીવ્સ, રેડ ચીલી ફ્લેક્સ, મિક્સ હર્બસ ઉમેરીને પંદરથી વીસ મિનિટ માટે પ્રી હિટેડ કુકરમાં સ્ટેન્ડ ઉપર મૂકીને બેક કરી લો.

ખૂબ જ સરસ રીતે બ્રેડ બેક થઈ જશે ત્યાર પછી સર્વિંગ પ્લેટમાં ગરમા ગરમ સર્વ કરો.