એક તપેલીમાં એક વાટકી ચણાનો ઝીણો લોટ અને ૨ વાટકી છાશ ને લો તેને સરખી રીતે ફિટી લો. હવે તે મિશ્રણ માં સ્વાદ અનુસાર મીઠું ચપટી હળદર અને કોથમીર ની ચટણી એક ચમચી નાખો હવે મિશ્રણ ને બરાબર મિક્સ કરી દો.

હવે એક કુકર માં પાણી લો તેમાં કાઠો રાખો. મિશ્રણ વાડી તપેલી તેમાં રાખી દો. હવે કુકર ને ૪ સીટી ધીમા તાપે કરો. હવે કુકર ઠરી જાય એટલે કે હવા નીકળી જાય એટલે ખાંડવી ના મિશ્રણ ને એક તેલ લગાવેલ થાળી માં પાથરી દો.

હવે એક વઘારિયા માં એક ચમચી તેલ નાખો. તેલ ને ગરમ થવા દો હવે તેમાં ચપટી રાય ચપટી જીરું નાખો તતડે એટલે ચપટી હિંગ નાખો લીમડાના પાન નાખો ચપટી તલ નાખો હવે એ વઘારને ખાંડવી પર ધીમે ધીમે નાખો. છેલ્લે ટોપરા ના ખમણ અને કોથમીર થી ગાર્નિશ કરો.